विपर्ययेण तु क्रमो ऽत उपपद्यते च
अन्तरा विज्ञानमनसी क्रमेण तल्लिङ्गाद् इति चेन् नाविशेषात्
चराचरव्यपाश्रयस् तु स्यात् तद्व्यपदेशो भाक्तस् तद्भावभावित्वात्
नात्मा श्रुतेर् नित्यत्वाच् च ताभ्यः
ज्ञो ऽत एव
उत्क्रान्तिगत्यागतीनाम्
स्वात्मना चोत्तरयोः
नाणुरतच्छ्रुतेर् इति चेन् नेतराधिकारात्
स्वशब्दोन्मानाभ्यां च
अविरोधश् चन्दनवत्
अवस्थितिवैशेष्याद् इति चेन् नाभ्युपगमाद् धृदि हि
गुणाद्वा लोकवत्
व्यतिरेको गन्धवत् तथा हि दर्शयति
पृथगुपदेशात्
तद्गुणसारत्वात् तु तद्व्यपदेशः प्राज्ञवत्
यावदात्मभावित्वाच् च न दोषस् तद्दर्शनात्
पुंस्त्वादिवत् त्व् अस्य सतो ऽभिव्यक्तियोगात्
नित्योपलब्ध्यनुपलब्धिप्रसङ्गो ऽन्यतरनियमो वान्यथा
कर्ता शास्त्रार्थवत्त्वात्
उपादानाद् विहारोपदेशाच् च
व्यपदेशाच् च क्रियायां न चेन् निर्देशविपर्ययः
उपलब्धिवदनियमः
शक्तिविपर्ययात्
समाध्यभावाच् च
यथा च तक्षोभयथा
परात् तु तच्छ्रुतेः
कृतप्रयत्नापेक्षस् तु विहितप्रतिषिद्धावैयर्थ्यादिभ्यः
अंशो नानाव्यपदेशाद् अन्यथा चापि दाशकितवादित्वम् अधीयत एके
मन्त्रवर्णात्
अपि स्मर्यते