{ईशावा.उप. 11।काण्व14} संभूतिं च विनाशं च यस् तद् वेदोभयꣳ सह । विनाशेन मृत्युं तीर्त्वा संभूत्यामृतम् अश्नुते
{ईशावा.उप. 12।काण्व9} अन्धं तमः प्र विशन्ति ये ऽविद्याम् उपासते । ततो भूय ऽ इव ते तमो य ऽ उ विद्यायाꣳ रताः
{ईशावा.उप. 13।काण्व10} अन्यद् एवाहुर् विद्याया ऽ अन्यद् आहुर् अविद्यायाः । इति शुश्रुम धीराणां ये नस् तद् विचचक्षिरे
{ईशावा.उप. 14।काण्व11} विद्यां चाविद्यां च यस् तद् वेदोभयꣳ सह । अविद्यया मृत्युं तीर्त्वा विद्ययामृतम् अश्नुते
{ईशावा.उप. 15} वायुर् अनिलम् अमृतम् अथेदं भस्मान्तꣳ शरीरम् । ओ3म् क्रतो स्मर क्लिबे स्मर कृतꣳ स्मर
{ईशावा.उप. 16।काण्व18} अग्ने नय सुपथा राये ऽ अस्मान् विश्वानि देव वयुनानि विद्वान् । युयोध्य् अस्मज् जुहुराणम् एनो भूयिष्ठां ते नम ऽ उक्तिं विधेम
{ईशावा.उप. 17।काण्व15} हिरण्मयेन पात्रेण सत्यस्यापिहितं मुखम् । यो ऽसाव् आदित्ये पुरुषः सो ऽसाव् अहम् । ओ३म् खं ब्रह्म