अजानता कृतमिदं मया हरिणशंकया । क्षम्यतां मम पापेन दग्धं मां त्रातुमर्हसि
श्रीपराशर उवाच। ततस्तं भगवानाह न तेस्तु भयमण्वपि । गच्छ त्वं मत्प्रसादेन लुब्ध स्वर्गं सुरास्पदम्
श्रीपराशर उवाच। विमानमागतं सद्यस्तद्वाक्यसमनंतरम् । आरुह्य प्रययौ स्वर्गं लुब्धकस्तत्प्रसादतः
गते तस्मिन्सभगवान्संयोज्यात्मानमात्मनि । ब्रह्मभूतेऽव्ययेचिंत्ये वासुदेवमयेऽमले
अजन्मन्यमरे विष्णावप्रमेयेऽखिलात्मनि । तत्याज मानुषं देहमतीत्य त्रिविधां गतिम्