निष्कम्याल्पपरीवारावुभौ राम-जनार्द्दनौ । युयुधातौ समं तस्य बलिनौ बलिसैनिकैः ।। ५-२२-
ततो बलश्व कृष्णश्व चक्राते मतिमुत्तमाम् । आयुधानां पुराणानामादाने मुनिसत्तम ।। ५-२२-
अनन्तरं हरेः शाङ्ग तूणौ चाक्षयसायकौ । आकाशादागतौ वीर!तथा कौमोदकी गदा ।। ५-२२-
हलञ्च बलभद्रस्य गगनादागतं कवे ! मनसोऽभिमतं विप्र!सौनन्दं मुसलं तथा ।। ५-२२-
ततो युद्धे पराजित्य ससैन्यं मगधाधिपम् । पुरीं विविशतुर्वीरावुभौ राम-जनार्द्दनौ ।। ५-२२-
जते तस्मिन् सुदुर्वृत्ते जरासन्धे महामुने ! जीवमाने गते कृष्णस्तं नामन्यत निर्ज्जितम् ।। ५-२२-
पुनरप्याजगामाथ जरासन्धो बलान्वितः । जितश्व राम-कृष्णाभ्यामपक्रान्तो द्रिजोत्तम।। ५-२२-
दश चाष्टौ च संग्रामानेवमत्यन्तदुर्म्मदः । यदुभिर्मागधो राजा चक्र कृष्णापुरोगमैः ।। ५-२२-
सर्व्वेष्वेतेषु युद्धेषु यादवैः स पराजितः । अपक्रान्तो जरासन्धः स्वल्पसैन्यैर्बलाधिकः ।। ५-२२-
तदू बल यादवानां तैरर्ज्जितं यदनेकशः । तत्तु सन्निधिमाहात्म्यं विष्णोरंशस्य चक्रिणः ।। ५-२२-
मनुष्यधर्म्मशीलस्य लीला सा जगतः पतेः । अस्त्रणयनेकरूपाणि यदरातिषु मुञ्चति ।। ५-२२-
मनसैव जगत्सृष्टिं संहारञ्च करोति यः । तस्यारिपक्षक्षपणे कोऽयमुद्यमविस्तरः ।। ५-२२-
तथापि यो मनुष्याणां धर्म्मस्तमनुवर्त्तते । कुर्व्वने बलवता सन्धिं हीनैर्युद्धं करोत्यसौ ।। ५-२२-
साम चोपप्रदानञ्च तथा भेदं प्रदर्शयन् । करोति दण्डपातञ्च क्बचिदेव पलायनम् ।। ५-२२-
मनुष्यदेहिनां चेष्टामित्येवमनुवर्त्ततः । लीला जगतूपतेस्तस्य च्छन्दतः सम्प्रवर्त्तते।। ५-२२-
श्रीपराशर उवाच इत्थंस्तुतस्तदा तेन मुचुकुन्देन धीमता । प्राहेशः सर्वभूतानामनादिनिधनो हरिः ॥ ५,२४.
श्रीभगवानुवाच यथाभिवाञ्छितान्दिव्यान्गच्छलोकान्नराधिप । अव्याहतपरैश्वर्यो मत्प्रसादोपबृंहितः ॥ ५,२४.
भुक्त्वा दिव्यन्महा भोगान्भविष्यसि महाकुले । जातिस्मरो मत्प्रसादात्ततोमोक्षमवाप्स्यसि ॥ ५,२४.
श्रीपराशर उवाच इत्युक्तः प्रणिपत्येशं जगतामच्युतं नृपः । गुहामुखाद्विनिष्क्रान्ततःस ददर्शाल्पकान्नरान् ॥ ५,२४.
ततः कलियुगं मत्वा प्राप्तं तप्तुं नृपस्तपः । नरनारायणस्थानं प्रययौ गन्धमादनम् ॥ ५,२४.
कृष्णोपि घातयित्वारिमुपायेन हि तद्वलम् । जग्राह मथुरामेत्य हस्त्यश्वस्यन्दनोज्ज्वलम् ॥ ५,२४.
आनीय चोग्रसेनाय द्वारवत्वां न्यवेदयत् । पराभिभवनिः शङ्कं बभूव च यदोः कुलम् ॥ ५,२४.
बलदेवोऽपि मैत्रेय प्रशान्ताखिलविग्रहः । ज्ञातिदर्शनसोत्कण्ठः प्रययौ नन्दगोकुलम् ॥ ५,२४.
ततो गोपाश्च गोप्यश्च यथा पूर्वममित्रजित् । तथैवाभ्यवदत्प्रम्णा बहुमानपुरःसरम् ॥ ५,२४.
स कैश्चित्संपरिष्वक्तः कांश्चिच्च परिषस्वजे । हास्यं चक्रे समं कैश्चिद्गोपैर्गोपीजनैस्तथा ॥ ५,२४.
प्रियाण्यनेकान्यवदन् गोपास्तत्र हलायुधम् । गोप्यश्च प्रेमकुपिताः प्रोचुःसेर्ष्यमथापराः ॥ ५,२४.
गोप्यः पप्रच्छुरपरा नागरीजनवल्लभम् । कच्चिदास्ते सुखं कृष्णश्चलप्रेमलवात्मकः ॥ ५,२४.
अस्मच्चेष्टामपहसन्न कच्चित्पुरयोषिताम् । सौभाग्यमान मधिकं करोति क्षणसौहृदः ॥ ५,२४.
कच्चित्स्मरति नः कृष्णो गीतानुगमनं कलम् । अप्यसौ मातरं द्रष्टु सकृदप्यागमिष्यति ॥ ५,२४.
अथ वा किं तदालापैः क्रियन्तामपराः कथाः । यस्यास्मभिर्विना तेन विनास्माकं भविष्यति ॥ ५,२४.