बुभुजे च तया सार्द्ध सम्भोगान्नृपनन्दनः । पितर्य्युपरते राज्यं विदेहेषु चकार सः
इयाज यज्ञान् सुबहुन् ददौ दानानि चार्थिनाम् । पुत्रानुत्पादयामास युयुधे च सहारिबिः
राज्यं भुक्त्वा यथान्यायं पालयित्वा वसुन्धराम् । तत्याज स प्रियान् प्राणान् संग्रामे धर्मतो नृपः
ततश्वितास्थं तं भूयो भर्त्तारं सा शुभेक्षणा । अन्वारुरोह विधिवद् यथापूर्वं मुदा सती
ततोऽवाप तया सार्द्धं राजपुत्र्या स पार्थिवः । ऐन्दानतीत्यवै लोकान् लोकान् कामदुहोऽक्षयान्
स्वर्गाक्षयत्वमतुलं दाम्पत्यमतिदुर्लभम् । प्राप्त पुण्यफलं प्राप्य संशुद्धिं तां द्रिजोत्तम
एष पाषण्डसम्भाषाद्दोषः प्रोक्तो मया द्रिज । तथाश्वमेधावबृथस्त्रानमाहात्म्यमेव च
तस्मात् पाषण्डिभिः पापैरालापस्पर्शनं त्यजेत् । विशेषतः क्रियाकाले यज्ञादौ चापि दीक्षितः
क्रियाहानिर्गृ हे यस्य मासमेकं प्रजायते । तस्यावलोकनात् सूर्यं पश्येत मतिमान् नरः
किं पुनर्यैस्तु सत्यक्ता त्रयी सर्वात्मना द्रिज । परान्नभोजिभिः पापैर्वेदवादविरोधिबिः
सहालापस्तु संसर्गः सहास्या चातिपापिनी । पाषण्डिबिर्दुराचारैस्तस्मात्ताः परिवर्जयेत्
पाषण्डिनो विकर्मस्थान् वैडालब्रतिकाञ्छठान् । हैतुकान् वकवृत्तींश्व वाङूमात्रेणापि नार्चयेत्
दूरादपास्तः सम्पर्कः सहस्यापि च पापिभिः । पाषण्डिभिर्दुराचारैस्तस्मात्ताः परिवर्जयेत्
एते नग्नास्तवाख्याता दृष्टया श्राद्धोपघातकाः । येषां सम्भाषणात् पुंसां दिनपुण्यं प्रणश्यति
एते पाषणिडनः पापा न ह्म तानालपेदू बुधः । पुण्यं नश्यति सम्भाषादेतेषां तद्दिनोद्भवम्
पुं सां जटाधरणमौण्डयवतां वृथैव । मोघाशिनामखिलशौचनिराकृतानाम् तोयप्रदानपितृपिण्डबहिष्कृतानां सम्भाषणादपि नरा नरकं प्रयान्ति
मैत्रेय उवाच। भगवन्यन्नरैः कार्य्यं साधुकर्मण्यवस्थितैः । तन्मह्यं गुरुणाख्यातं नित्यनैमित्तिकात्मकम्
वर्णधर्मास्तथाख्याता धर्मा ये चाश्रमेषु च । श्रोतुमिच्छाम्यहं वंशं राज्ञां तद्ब्रूहि मे गुरो
श्रीपराशर उवाच । मैत्रेय श्रूयतामयमनेकयज्वशूरवीरधीरभूपालालंकृतो ब्रह्मादिर्मानवो वंशः
तदस्य वंशस्यानुपूर्वीमश्षोवंशपापप्रणाशनाय मैत्रेयैतां कथां शृणु
तद्यथा सकलजगतामादिरनादिभूतस्स ऋग्यजुस्सामादिमयो भगवान् विष्णुस्तस्य ब्रह्मणो मर्त्तं रूपं हिरण्यगर्भो ब्रह्मांडभूतो ब्रह्मा भगवान् प्राग्बभूव
ब्रह्मणश्च दक्षिणांगुष्ठजन्मा दक्षप्रजापतिः दक्षस्याप्यदितिरदितेर्विवस्वान् विवस्वतो मनुः
मनोरिक्ष्वाकुनृगधृष्टशर्यातिनरिष्यंतप्रांशुनाभगदिष्टकरूषपृषध्राख्या दश पुत्रा बभूवुः
इष्ठिं च मित्रावरुणयोर्मनुः पुत्रकामश्चकार
तत्र तावदह्नुते होतुरपचारादिला नाम कन्या बभूव
सैव च मित्रावरुणयोः प्रसादात्सुद्युम्नो नाम मनोः पुत्रो मैत्रेय आसीत्
पुनश्चेश्वरकोपात्स्त्री सती सा तु सोमसूनोर्बुधस्याश्रमसमीपे बभ्राम
सानुरागाच्च तस्यां बुधः पुरूरवसमात्मजमुत्पादयामास
जातेपि तस्मिन्नमिततेजोभिः परमर्षिभिरिष्टिमय ऋङ्मयो यजुर्मयस्साममयोथर्वणमयस्सर्ववेदमयो मनोमयो ज्ञानमयो न किंचिन्मयोन्नमयो भगवान् यज्ञपुरुषस्वरूपी सुद्युम्नस्य पुंस्त्वमभिलषद्भिर्यथावदिष्टस्तत्प्रसादादिला पुनरपि सुद्युम्नोऽभवत्
तस्याप्युत्कलगयविनतास्त्रयः पुत्रा बभूवुः