सकलमिदमजस्य यस्य रूपं परमपदात्मवतः सनातनस्य । तमनिधनमशेषबीजभूतं प्रभुममलं प्रणताः स्म वासुदेवम्
स्तात्रस्यास्यावसाने तदे ददृशुः परमेश्वरम् । शङ्खचक्रगदापाणिं गरुडस्थं सुरा हरिम्
तमूचुः सकला देवाः प्रणिपातपुरः सरम् । प्रसीद देव!दैत्येभ्यस्त्राहीति शरणार्थिनः
त्रैलोक्यं यज्ञाभागश्व दैत्यैर्ह्रादपुरोगमैः । ह्टतं नो ब्रह्मणोऽप्याज्ञामुल्लङ्घय परमेश्वर
यद्यप्यशेषभूतस्य वयं ते च तवांशकाः । तथाप्यविद्याभेदेन भिन्नं पश्यामहे जगत्
स्ववर्णधर्माभिरता वेदमार्गानुसारिणः । न शक्यास्तेऽरयो हन्तुमस्माभिस्तपसान्विताः
तमुपायममेयात्मन्नस्माकं दातुमर्हसि । येन तानसुरान हन्तु भवेम भगवन् ! क्षमाः
इत्युक्तो भगवांस्तेभ्यो मायामोहं शरीरतः । तमुत्पाद्य ददौ विष्णुः प्राह चेदं सुरोत्तमान्
मायामोहोऽयमखिलान् दैत्यांस्तान्मोहयिष्यति । ततो वध्या भविष्यन्ति वेदमार्गबहिष्कृताः
स्थितौ स्थितस्य मे वध्या यावन्तः परिपन्थिनः । ब्रह्मणो येऽधिकारस्य देवदैत्यादिकाः सुराः
तदूगच्छत न भीः कीर्या मायामोहोऽयमग्रतः । गच्छत्वद्योपकाराय भवता भवतां सुराः
इत्युक्ताः प्रणिपत्यैनं ययुर्देवा यथागतम् । मायामोहोऽपि तैः सार्द्धं ययौ यत्र महासुराः
पराशर उवाच । तपस्यभिरतान् सोऽथ मायामोहो महासुरान् । मैत्रेय ! ददृशे गत्वा नर्मदातीरसंश्रितान्
ततो दिगम्बरो मुण्डो बर्हिपत्रधरो द्रिज । मायामोहोऽसुरान् श्लक्ष्णमिदं वचनमब्रवीत्
हे दैत्यपतयो ! ब्रूत यदर्थं तप्यते तपः । ऐहिकं वाथ पारत्र्यं तपसः फलमिच्छथ
पारत्र्यफललाभाय तपश्वर्या महामते । अस्माभिरियमारब्धा किं वा तेऽत्र विवक्षितम्
कुरुध्वं मम वाक्यानि यदि मुक्तिमभीप्सथ । अर्हध्वमेनं धर्मञ्च मुक्तिद्रारमसंवृतम्
धर्मो विमुक्तेरर्होऽयं नैतदस्मात् परः परः । अत्रैव संस्थिताः स्वर्गं विमुक्तिं वा गमिष्यथ । अर्हध्वं धर्ममेतञ्च सर्वे यूयं महाबलाः
एवं प्रकारैर्बहुभिर्युक्तिदर्शनवर्द्धितैः । मायामोहन ते देत्या वेदमार्गादपाकृताः
धर्मायैतदधर्माय सदेतन्न सदित्यपि । विमुक्तये त्विदं नैतदू विमुक्तिं सम्प्रच्छात
परमार्थोऽयमत्यर्थं परमार्थो न चाप्ययम् कार्यमेतदकार्य्यञ्च नैतदेवं स्पुटं त्विदम् । दिग्वाससामयं धर्मो धर्मोऽयं बहुवाससाम्
इत्यनैकान्तवादञ्च मायामोहेन नैकधा । तेन दर्शयता दैत्याः स्वधर्मांस्त्याजिता द्रिज
अर्हतेमं महाधर्मं मायामोहेन ते यतः । प्रोक्तास्तमाश्रिता धर्ममार्हतास्तेन तेऽभवन्
त्रयीधर्मसमुत्सर्ग मायामोहेन तेऽसुराः । कारितास्तन्मया ह्मासंस्ततोऽन्ये तत्प्रबोधिताः
तैरप्यन्ये परे तैश्व तैरप्यन्ये परे च तैः । अल्पैरहोभिः सन्तयक्ता तैर्दैत्यैः प्रायशस्त्रयी
पुनश्व रक्ताम्बरधृङू मायामोहोऽजितेक्षिणः । अन्यानाहासुरान् गत्वा मृद्धल्पमधुराक्षरम्
स्वर्गार्थं यदि वो वाञ्छा निर्वाणार्थमथासुराः । तदलं पशुघातादिदुष्टधर्मैर्निबोधत
विज्ञानमयमेवैतदशेषमवगच्छत । बुध्यध्वं मे वचः सम्यगू बुधैरेवमुदीरितम्
जगदेतदनाधारं भ्रान्तिज्ञानार्थतत्परम् । रागादिदुष्टमत्यर्थं भ्राम्यते भवसङ्कटे
एवं बुध्यत बुध्यध्वं बुध्यतैवमितीरयन् । मायामोहः स दैतेयान् धर्ममत्याजयन्नजम्