वराहपुराणम्

एवं संस्थापनं कृत्वा दद्यादुद्वर्त्तनं विभोः

एवं चोद्वर्त्तनं कृत्वा इमं मन्त्रमुदाहरेत् प्रवन्दितः कारणं मन्त्रयुक्तः सुस्वागतं तिष्ठ सुलोकनाथ

एवं संस्थापनं कृत्वा गन्धमाल्यैश्च पूजयेत्

मन्त्रः- वस्त्राणि देवेश गृहाण तानि मया सुभक्त्या रचितानि यानि

एवं वस्त्राणि मे दद्याद्विधिदृष्टेन कर्मणा एवं च धूपनं दद्यादिमं मन्त्रमुदीरयेत्

मन्त्रः – असावनादिः पुरुषः पुराणो नारायणः सर्वजगत् प्रधानः 182.

एवं पूजां ततः कृत्वा प्रापणं च निवेदयेत्

पूर्वोक्तेनैव मन्त्रेण दद्यात्प्रापणकं बुधः

शान्तिजापस्ततः कार्यः सर्वकार्यार्थसिद्धिदः बालेषु वृद्धेषु गवाङ्गणेषु कन्यासु शान्तिं च पतिव्रतासु

रोगा विनश्यन्तु च सर्वतश्च कृषीवलानां च कृषिः सदा स्यात्

दीनानाथान्प्रतर्प्याथ यथाविभवशक्तितः

यावन्तो मम गात्रेषु जायन्ते जलबिन्दवः

यो मां संस्थापयेद्भूमे सर्वाहङ्कारवर्जितः

एतत्ते कथितं भद्रे शैलिकास्थापनं मम

इति श्रीवराहपुराणे शैलार्चास्थापनं नाम द्व्यशीत्यधिकशततमोऽध्यायः

अथ मृन्मयार्चास्थापनम् पुनरन्यत्प्रवक्ष्यामि तच्छृणुष्व वसुन्धरे

आर्च्चां च मृन्मयीं कृत्वा अस्फुटां चाप्यखण्डिताम्

ईदृशीं प्रतिमां कृत्वा मम कर्मपरायणः

काष्ठानामप्यलाभे तु मृन्मयीं तत्र कारयेत्

ताम्रेण कांस्यरौप्येण सौवर्णत्रपु रीतिभिः

अर्चनं त्वपरं वेद्यां मम कमर्परिग्रहात्

गृहं चालोच्य कश्चिन्मां पूजयेत्कामनापरः

भूमे एवं विजानीहि स्थापितोऽहं न संशयः

मन्त्रैर्वा विधिपूर्वेण यो मे कर्माणि कारयेत्

तत्तत्फलं प्रयच्छामि प्रसन्नेनान्तरात्मना 183.

मद्भक्तः सततं नित्यं कर्मणा परिवेष्टितः

दद्याज्जलाञ्जलिं मह्यं तेन मे प्रीतिरुत्तमा

मह्यं चिन्तयतो नित्यं निभृतेनान्तरात्मना

एतत्ते सर्वमाख्यातं सुगोप्यं च प्रयत्नतः