वराहपुराणम्

यावन्तो बिन्दवः किंचित्पतन्त्येवाञ्जलेर्जलात्

अथ चैव तु द्वादश्यां पुरुषा धर्मवादकाः

पाण्डुरैश्चैव पुष्पैश्च मृष्टैर्धूपैस्तु धूपयेत्

दत्त्वा शिरसि पुष्पाणि इमं मन्त्रमुदीरयेत्

सुमान्यः सुमना गृह्य प्रीयतां भगवान्हरिः

नमोऽस्तु विष्णवे व्यक्ताव्यक्तगन्धिगन्धान्सुगन्धान्वा गृह्ण गृह्ण नमो भगवते विष्णवे श्रुत्वा प्रत्यागतमाधारसवनं पतये भवं प्रविष्टं मे धूप धूपनं गृह्णातु मे भगवानच्युतः

श्रुत्वा चैवं च शास्त्राणि यो मामेव तु कारयेत्

एतत्ते कथितं देवि श्रेष्ठं चैव मम प्रियम् 115.

श्यामाकं स्वस्तिकं चैव गोधूमं मुद्गकं तथा

एतानि यस्तु भुञ्जीत मम कर्मपरायणः

ब्राह्मणस्य तु वक्ष्यामि शृणु कर्म वसुन्धरे

षट्कर्मनिरतो भूत्वा अहङ्कारविवर्ज्जितः

मम कर्मसमायुक्तः पैशुन्येन विवर्जितः

एतद्वै ब्रह्मणः कर्म एकचित्तो जितेन्द्रियः

क्षत्रियाणां प्रवक्ष्यामि मम कर्मसु तिष्ठताम्

दानशूरश्च कर्मज्ञो यज्ञेषु कुशलः शुचिः

अल्पभाषी गुणज्ञश्च नित्यं भागवतप्रियः

अभ्युत्थानादिकुशलः पैशुन्येन विवर्जितः 115.

भजते मम यो नित्यं मम लोकाय गच्छति

यानि कर्माणि कुरुते मम भक्तिपथे स्थितः

ऋतुकालाभिगामी च शान्तात्मा मोहवर्जितः

गुरुसम्पूजको नित्यं युक्तो भक्तानुवत्सलः

तस्याहं न प्रणश्यामि स च मे न प्रणश्यति अथ शूद्रस्य वक्ष्यामि कर्माणि शृणु माधवि

कर्माणि यानि कृत्वा ह शूद्रो मह्यं व्यवस्थितः

उभौ भागवतौ भक्तौ मद्भक्तौ कर्मनिष्ठितौ

निरहङ्कारशुद्धात्मा आतिथेयो विनीतवान्

नमस्कारप्रियो नित्यं मम चिन्ताव्यवस्थितः

त्यक्त्वा ऋषिसहस्राणि शूद्रमेव भजाम्यहम् 115.

एवं कर्मगुणाश्चैव येन भक्त्या व्यवस्थितः