वराहपुराणम्

अथ कुर्यादष्टशतैरूर्ध्वं नृपतिसत्तम । स्वशक्त्या कारयेद्‌धेनुं तथात्मानं पीडयेत्

सर्वबीजानि संस्थाप्य चतुर्दिक्षु समन्ततः । सुवर्णस्य मुखं शृङ्गे मौक्तिकैर्नयने तथा

गुडेन तु मुख काये जिह्वा पिष्टमयी तथा । कम्बलं पट्टसूत्रेण कण्ठाभरणभूषिताम्

इक्षुपादां रौप्यखुरां तवनीतस्तनीं तथा । प्रशस्तपत्रश्रवणां सितचामरपभूषिताम्

पञ्चरत्नसमायुक्तां वस्त्रेणाच्छादितां तथा । गन्धपुष्पैरलंकृत्य ब्राह्मणाय निवेदयेत्

श्रोत्रियाय दरिद्राय साधुवृत्ताय धीमते । वेदवेदाङ्‌गविदुषे साग्निकाय कुटुम्बिने । अदुष्टाय प्रदातव्या न तु मत्सरिणे द्विजे

अयने विषुवे पुण्ये व्यतीपाते दिनक्षये । एषु पुण्येषु कालेषु थथाविभवशक्तितः

सत्पात्रञ्च द्विजं दृष्ट्‍वा आगतं श्रोत्रियं गृहे । तादृशाय प्रदातव्या पुच्छदेशे विमृष्य च

पूर्वाभिमुखमास्थाय अथवा स उदङ्मुखः । गां पूर्वाभिमुखीं कृत्वा वत्समुत्तरतो न्यसेत्

दानकाले तु ये मन्त्रास्तान्पठित्वा समर्पयेत् । सम्पूज्य विधिवद्विप्रं मुद्रिकाकर्णभूषणैः

स्वशक्त्या दक्षिणा देया वित्तशाठ्यविवर्ज्जितः । हस्ते तु दक्षिणां दत्त्वा गन्धपुष्पसचन्दनाम् । धेनुं समर्पयेत्तस्य मुखञ्च च विलोकयेत्

एकाहं शर्कराहारो ब्राह्मणस्त्रिदिनं वसेत् । सर्वपापहरा धेनुः सर्वकामप्रदायिनी

सर्वकामसमृद्धस्तु जायते नात्र संशयः । दीयमानं प्रपश्यन्ति ते यान्ति परमां गतिम्

य इदं शृणुयाद् भक्त्या पठते वापि मानवः । मुच्यते सर्वपापेभ्यो विष्णुलोकं स गच्छति

अथ मधुधेनुदानमाहात्म्यम् मधुधेनुं प्रवक्ष्यामि सर्वपातकनाशिनीम्

धेनुं मधुमयीं कृत्वा सम्पूर्णघटषोडशाम्

सौवर्णं तु मुखं कृत्वा शृङ्गाण्यगुरुचंदनैः

पादानिक्षुमयान्कृत्वा सितकम्बलसंवृतान्

ओष्ठौ पुष्पमयौ तस्या दन्ताः फलमयाः स्मृताः

प्रशस्तपत्रश्रवणा प्रमाणात्परितस्तता

चत्वारि तिलपात्राणि चतुर्दिक्षु प्रकल्पयेत्

कांस्योपदोहिनीं कृत्वा गन्धपुष्पैस्तु पूजिताम्

संक्रांत्यामुपरागे च सर्वकाले यदृच्छया

ब्राह्मणाय दरिद्राय श्रोत्रियायाहिताग्नये 104.

तादृशाय प्रदातव्या मधु धेनुर्नरोत्तमे

दद्याद्विप्राय धेनुं तां मन्त्रपूर्वां विचक्षणः आच्छाद्य वस्त्रयुग्मेन मुद्रिकावर्णमात्रकैः जलपूर्वं तु कर्त्तव्यं पश्चाद्यानं समर्पयेत्

प्रीयन्तां पितरो देवा मधुधेनो नमोऽस्तु ते

अहं गृह्णामि त्वां देवि कुटुम्बार्थे विशेषतः

मधुवातेति मन्त्रेण दद्यादाशुचिकेन तु