वराहपुराणम्

बदरीषण्डमाहात्म्यं गुह्यधर्मप्रकीर्तनम्

सोमेश्वरस्य महिमा मुक्तिक्षेत्रस्य चापि हि।। त्रिवेण्याश्चैव माहात्म्यं माहात्म्यं गण्डकीभवम्

चक्रतीर्थस्य महिमा हरिक्षेत्रसमुद्भवः

गोनिष्क्रमस्य महिमा द्वारवत्यास्ततः परम्

मथुरातीर्थमाहात्म्यं प्रादुर्भावस्तथैव च

देवारण्यस्य माहात्म्यं चक्रतीर्थस्य चोत्तमम्

तथा आख्यायिकायुक्तं विश्रान्तेश्च ततः परम्

यमुनोद्भेदमहिमा कालिञ्जरसमुद्भवाः 218.

मधुकप्रतिमायाश्च स्थापनं संप्रकीर्तितम्

ताम्रार्चास्थापनं चापि कांस्यार्चास्थापनं तथा

श्राद्धोत्पत्ति स्ततः प्रोक्तं पिण्डं संकल्प एव च

मधुपर्क्कफलं दाने संसारचक्रवर्णनम्

कृतान्तदूतकथनं यातनारूपमेव च

तथा कर्मविपाकं च यादृशं कर्म तादृशम्

शुभाशुभस्य कथनं शुभकर्मफलोदयम्

पापनाशकथां दिव्यां गोकर्णेशसमुद्भवम्

शृंगेश्वरस्य महिमा चैवं वृत्तान्तसंग्रहः

इत्यनुक्रमणिका नाम अष्टादशाधिकद्विशततमोऽध्यायः