मृते च सर्वबन्धूनामित्याह भगवान् भृगुः
प्रमे ऽह्नि चतुर्थे वा सप्तमे वास्थिसंचयम्
सोदकैस्तु क्रिया कार्या संशुद्धैस्तु सपिण्डजैः
बाले प्रव्राजि संन्यासे देशान्तरमृते तथा
गर्भस्रावे तदेवोक्तं पूर्णकालेन चेतरे
षड्रात्रं चैव वैश्यानां शूद्राणां द्वादशाह्निकम्
स्वाः स्वाः कर्मक्रियाः कुर्युः सर्वे वर्णा यथाक्रामम्
सपिण्डीकरणं कार्यं प्रेते आवत्सरान्नरैः
प्रीणनं तस्य कर्त्तव्यं यथा श्रुतिनिदर्शनात्
कुर्याद्येनास्य सुप्रीताः पितरो यान्ति राक्षस
तत्तद् गुणवते देयं तदेवाक्षयमिच्छता
धर्मतो धनमाहार्यं यष्टव्यं चापि शक्तितः
तत् कर्त्तव्यमशङ्केन यन्न गोप्यं महाजने
धर्मार्थकामसंप्राप्तिः परत्रेह च शोभनम्
वानप्रस्थाश्रमं धर्मं प्रवक्ष्यामो ऽवधार्यताम्
वानप्रस्थाश्रमं धर्मं प्रवक्ष्यामो ऽवधार्यताम्
भूमौ शय्या ब्रह्मचर्यं पितृदेवातिथिक्रिया
वन्यस्नेहनिषेवित्वं वानप्रस्थविधिस्त्वयम्
जितेन्द्रियत्वमावासे नैकस्मिन् वसतिश्चिरम्
आत्मज्ञानावबोधेच्छा तथा चात्मावबोधनम्
वर्णधर्माणि चान्यानि निशामय निशाचर
क्षत्रियस्यापि कथिता ये चाचारा द्विजस्य हि
गार्हस्थ्ययमुत्तमं त्वेकं शूद्रस्य क्षणदाचर
यो हापयति तस्यासौ परिकुप्यति भास्करः
भानुर्वै यतते तस्य नरस्य क्षणदाचर
यः संत्यजेच्चापि निजं हि धर्मं तस्मै प्रकुप्येत दिवाकरस्तु
जगाम चोत्पत्य पुरं स्वकीयं मुहुर्मुहुर्धर्ममवेक्षमाणः
सम्हूयाब्रवीत् सर्वान् राक्षसान् धार्मिकं वचः
दानं दया च क्षान्तिश्व ब्रह्मचर्यममानिता
सदाचारनिषेवित्वं परलोकप्रदायकाः