जामयो गुरवो वृद्धा यैः संस्पृष्टाः पदा नृभिः
क्षिप्यन्ते रौरवे घोरे ह्याजानुपरिदाहिनः
तेषामयोगुडास्तप्ताः क्षिप्यन्ते वदने ऽद्भुताः
निन्दा निशामिता यैस्तु पापानामिति कुर्वताम्
श्रवणेषु निखन्यन्ते धर्मराजस्य किङ्करैः
कूपवापीतडागांश्च भङ्क्त्वा विध्वंसयन्ति ये
कर्त्तिकाभिः सुतीक्ष्णीभिः सुरौद्रैर्यमकिङ्करैः
तेषां गुदेव चान्त्राणि विनिःकृन्तन्ति वायसाः
दुर्भिक्षे संभ्रमे चापि स श्वभोज्ये निपात्यते
पतन्ति यन्त्रपीडे ते ताड्य मानास्तु किङ्करैः
ते पिष्यन्ते शिलापेषे शोष्यनते ऽपि च शोषकैः
श्रुत्क्षामाः शुष्कताल्वोष्ठाः पात्यन्ते वृश्चिकाशने
ते वह्नितप्तां कूटाग्रामालिङ्गन्ते च शाल्मलीम्
तेषामध्यापको यश्च स शिलां शिरसा वहेत्
ते पात्यन्ते च विण्मूत्रे दुर्गन्धे पूयपूरिते
परस्परं भक्षयन्ते मांसानि स्वानि बालिशाः
तद्गर्भश्राद्धभुग् यश्च कृमीन्भक्षेत्पिपीलिकाः
याजको यजमानश्च सो ऽस्मान्तः स्थूलकीटकः
क्षिप्यन्ते वृकभक्षे ते नरके रजनीचर
तथा गोभूमिहर्त्तरो गोस्त्रीबालहनाश्च ये
सोमविक्रयिणो ये च वेदविक्रयिणस्तथा
कूटसाक्ष्यप्रदा ये च ते महारौरवे स्थिताः
तावच्चैवान्धतामिस्रे असिपत्रवने ततः
प्रपातो भवते तेषां यैरिदं दुष्कृतं कृतम्
ते सर्वे क्रमशः प्रोक्ताः कृतघ्ने लोकनिन्दिते
महोरगाणां प्रवरो ऽप्यनन्तो यथा च भूतेषु मही प्रधाना
क्षेत्रेषु यद्वत्कुरुजङ्गलं वरं तीर्थेषु यद्वत् प्रवरं पृथूदकम्
लोकेषु यद्वत्सदनं विरिञ्चेः सत्यं यथा धर्मविधिक्रियासु
तपोधनानामपि सुम्भयोनिः श्रुतिर्वरा यद्वदिहागमेषु
मनुः स्मृतीनां प्रवरो यथैव तिथीषु दर्शा विषुवेषु दानम्