पराजितश्चापि विमुच्य राज्यं तस्थौ मनो धातरि सन्निवेश्य
अभिषिक्तो जानतापि राजधर्मं सनातनम्
ललो ऽभिषिक्तो दैत्येन प्रह्लादेन निजे पदे
देवादिभिः सह कथं समास्ते तद् वदस्व मे
तपसाराध्य देवेशं शूलपाणिं त्रिलोचनम्
अदाह्यत्वं हुताशेन अक्लेद्यत्वं जलेन च
शुक्रं पुरोहितं कृत्वा समध्यास्ते ततो ऽन्धकः
आक्रम्य वसुधां सर्वां मनुजेन्द्रान् पराजयत्
तैः समं मेरुशिखरं जगामाद्भुतदर्शनम्
समारुह्यामरावत्यां गुप्तिं कृत्वा विनिर्ययौ
आरुह्य वाहनं स्वं स्वं सायुधा निर्ययुर्बहिः
निर्जगामातिवेगेन गजवाजिराथादिभिः
यभविद्याधराद्याश्च स्वं स्वं वाहनमास्थिताः
एकैकस्यापि धर्मत्र परं कौतूहलं मम
वाहनानि समासेन एकैकस्यानुपूर्वशः
श्वेतवर्णो गजपतिर्देवराजस्य वाहनम्
पौण्ड्रको नाम महिषो धर्मराजस्य नारद
शिशुमारो दिव्यगतिः वाहनं वरुणस्य च
अम्बिकापादसंभूतो वाहनं धनदस्य तु
श्वेतानि सौरभेयाणि वृषाण्युग्रजवानि च
हरयो रथवाहाश्च आदित्या मुनिसत्तम
किन्नरा भुजगारूढा हयारूढौ तथाश्विनौ
सुकारूढाश्च कवयो गन्धर्वाश्च पदातिनः
संनह्य निर्ययुर्हृष्टा युद्धाय सुमहौजसः
दैत्यानां वाहनान्येवं यथावद् वक्तुमर्हसि
कथयिष्यामि तत्त्वेन यथावच्छ्रोतुमर्हसि
कृष्णवर्णैः सहस्रारस् त्रनल्वपरिमाणवान्
उह्यमानस्तथाष्टाभिः श्वेतरुक्ममयः सुभः
जम्भस्य तु रथो द्वियो हयैः काञ्जनसन्निभैः
शम्बरस्य विमानो ऽभूदयः शङ्कोर्मृगाधिपः