सो ऽपि दिव्या तनुर्विष्णोस्तस्मात् तामर्चयेन्नरः
यानि स्युर्वर्णयुक्तानि रसगन्धयुतानि च
बाणञ्च चम्पकाशोकं करवीरं च यूथिका
तिलकं च जपाकुसुमं पीतकं नागरं त्वपि
सुरभीणि तथान्यानि वर्जयित्वा तु केतकीम्
तमालामलकीपत्रं शस्तं केशवपूजने
नानारूपैश्चाम्बुभवैः कमलेन्दीवरादिभिः
वनस्पतीनामर्च्येत तथा दूर्वाग्रपल्लवैः
उशीरपद्मकाभ्यां च तथा कालीयकादिना
शङ्खं जातीफलं श्रीशे धूपानि स्युः प्रियाणि वै
तिलमुद्गादयो माषा व्रीहयश्च प्रिया हरेः
वस्त्रान्नस्वर्णदानानि प्रीतये मधुघातिनः
इन्धनादीनि च तथा माधवप्रीणनाय तु
गोविन्दप्रीणनार्थाय दातव्यं पुरुषर्षभैः
विष्णोः प्रीत्यर्थमेतानि देयानि ब्राह्मणेष्वथ
देयानि द्विजमुख्येभ्यो मधुसूदनतुष्टये
त्रिविक्रमस्य प्रीत्यर्थं दातव्यं साधुभिः सदा
आषाढे वामनप्रीत्यै दातव्यानि तु भक्तितः
श्रावणे श्रीधरप्रीत्यै दातव्यानि विपश्चिता
हृषीकेशप्रीणनार्थं लवणं सगुडोदनम्
प्रीत्यर्थं पद्मनाभस्य देयमाश्वयुजे नरैः
दामोदरस्य तुष्ट्यर्थं प्रदद्यात् कार्तिके नरः
दात्वयं केशवप्रीत्यै मासि मार्गशिरे नरैः
नारायणस्य तुष्ट्यर्थं पौषे देयानि भक्तितः
पुरुषोत्तमस्य तुष्ट्यर्थं प्रदेयं सार्वकालिकम्
तत्तद्वि देयं प्रीत्यर्थं देवदेवाय चक्रिणे
दत्त्वारामान् पुष्पफलाभिपन्नान् भोगान् भुङ्क्ते कामातः श्लाघनीयान्
तारयेदात्मना सार्धं विष्णोर्मन्दिरकारकः
पुरतो यदुसिंहस्य ज्यामघस्य तपस्विनः
हरिमन्दिरकर्ता यो भविष्यति शिचिव्रतः