भरद्वाजर्षिणा सार्धं यज्ञवाटं प्रवेशयत्
प्रोवाच भगवन् ब्रूहि किं दद्मि तव मानद
विहस्य सुचिरं कालं भरद्वाजमवेक्ष्य च
न स धारयते भूम्यां पारक्यां जातवेदसम्
मच्छरीरप्रमाणेन देहि राजन् पदत्रयम्
बाणं च तनयं वीक्ष्य इदं वचनमब्रवीत्
येन क्रमत्रयं मौर्ख्याद् याचते बुद्धितो ऽपि च
धनादिकं भूरि न वै ददाति यथेह विष्णोर्न बहुप्रयासः
मयि दातरि यश्चायमद्य याचेत् पदत्रयम्
याचस्व विष्णो गजवाजिभूमिं दासीहिरण्यं यदभीप्सितं च
दातुर्याचयितुर्लज्जा कथं न स्यात् पदत्रये
एतभ्यः कतमं दद्यां स्थानं याचस्व वामन
एतावता त्वहं चार्थी देहि राजन् पदत्रयम्
बलिर्भृङ्गारमादाय ददौ विष्णोः क्रमत्रयम्
त्रैलोक्यक्रमणार्थाय बहुरूपं जगन्मयम्
सत्यं तपो जानुयुग्मे ऊरुभ्यां मेरुमन्दरौ
लिङ्गे स्थितो मन्मथश्च वृषणाभ्यां प्रजापतिः
वलिषु त्रिषु नद्यश्च यज्ञास्तु जठरे स्थिताः
पृष्ठस्था वसवो देवाः स्कन्धौ रुद्रैरधिषठितौ
हृदये संस्थितो ब्रह्मा कुलिशो हृदयास्थिषु
ग्रीवादितिर्देवमाता विद्यास्तद्वलयस्थिताः
धर्मकामार्थमोक्षीयाः शास्त्रः शौचसमन्विताः
श्वासस्थो मातरिश्वा च मरुतः सर्वसंधिषु
चन्द्रादित्यौ च नयने पक्ष्मस्थाः कृत्तिकादयः
तारका रोमकूपेभ्यो रोमाणि च महर्षयः
क्रमेणैकेन जगतीं जहार सचराचराम्
नक्षश्चाक्रमतो नाभिं सूर्येन्दू सव्यदक्षिणौ
क्रान्तार्धार्धेन वैराजं मध्येनापूर्यताम्बरम्
ब्रह्माण्डोदरमाहत्य निरालोकं जगाम ह
कुटिला विष्णुपादे तु समेत्य कुटिला ततः