नमस्ये च त्रिसौवर्णं नमस्ये शशिभूषणम्
कपर्दिनं नमस्ये च सर्वामयविनाशनम्
पद्मनाभं हिरण्याक्षं नमस्ये स्कन्दमव्ययम्
सदा हंसं नमस्ये च नमस्ये प्रामतर्पणम्
नमस्ये श्रीनिवासं च नमस्ये पुरुषोत्तमम्
वनस्पतिं पशुपतिं नमस्ये प्रभुमव्ययाम्
नमस्ये सर्वमनघं गौरीशं नकुलीस्वरम्
यशोधरं महाबाहुं नमस्ये च कुशप्रियम्
भद्राक्षं वीरभद्रं च नमस्ये शङ्कुकर्णिकम्
उपेन्द्र चैव गोविन्दं नमस्ते पङ्कजप्रियम्
कालाग्निं रुद्रदेवेशं नमस्ये कृत्तिवाससम्
सहस्राक्षं कोकनदं नमस्ये हरिशङ्करम्
सनातनं च ब्रह्माणं नमस्ये ब्रह्मतत्परम्
नमस्ये धर्मराजानं देवं गरुडवाहनम्
महायोगिनमव्यक्तं नमस्ये पापनाशनम्
नमस्ये पापहन्तारं शरण्यं शरणं व्रजे
ध्न्यं यशस्यं बहुपापनाशनं संकर्तनात् स्मारणात् संश्रवाच्च
कुरुक्षेत्रं समभ्यागाद् यष्टुं वैरोचनो वलिः
शुक्रो द्विजातिप्रवरानामन्त्रयत् भार्गवान्
कौशिकाङ्गिरसश्चैव तत्यजुः कुरुजाङ्गलान्
शातद्रवे जले स्नात्वा विपाशां प्रययुस्ततः
प्रजग्मुः किरणां पुण्यां दिनेशकिरणच्युताम्
ऐरावतीं सुपुण्योदां स्नात्वा जग्मुरथेश्वरीम्
अवतीर्णा मुने स्नातुमात्रेयाद्याः शुभां नदीम्
अन्तर्जले द्विजश्रेष्ठ महदाश्चर्यकारकम्
ततः स्नात्वा समुत्तीर्णा ऋषयः सर्व एव हि
चिन्तयन्तश्च सततं किमेतदिति विस्मिताः
वनं हरगलश्यामं खगध्वनिनिनादितम्
विस्तृताभिर्जटाभिस्तु अन्तर्भूमिञ्च नारद
दशार्द्धवर्णैः सुखदैर्नभस्तारागणैरिव