वदन्ति यं वै पुरुषं सनातनं तं देवगुह्यं शरणं प्रपद्ये
तमीश्वरं तृप्तमनुत्तमैर्गुणैः परायणं विष्णुमुपैमि साश्वतम्
महाबलं वेदनिधिं सुरेशं व३जामि विष्णुं शरणं जनार्दनम्
पीताम्बरं काञ्चनभक्तिचित्रं मालाधरं केशवमभ्युपैमि
आदित्यरुद्राश्विवसुप्रभावं प्रभुं प्रपद्ये ऽच्युतमात्मवन्तम्
प्रपद्ये सूक्ष्ममचलं वरेण्यमभयप्रदम्
प्रपद्ये मुक्तसंगानां यतीनां परमां गतिम्
शरण्यं शरणं भक्त्या प्रपद्ये भक्तवत्सलम्
योगात्मानं महात्मानं प्रपद्ये ऽहं जनार्दनम्
नारायणमणीयांसं प्रपद्ये ब्राह्मणप्रियम्
प्रपद्ये देवदेवेशमणीयांसमणोः सदा
नमः सहस्रशिरसे अनन्ताय महात्मने
कीर्तयन्ति च यं सर्वे ब्रह्मादीनां परायणम्
सुब्रह्मण्य नमस्ते ऽस्तु त्राहि मां शरणागतम्
प्रीतिमानभवद् विष्णुः शङ्खचक्रगदाधरः
गरुडस्थो जगत्स्वामी लोकाधारस्तपोधनः
उज्जहाराप्रमेयात्मा तरसा मधुसूदनः
मोक्षयामास नागेन्द्रं पाशेभ्यः शरणागतम्
ग्राहत्वमगमत् कृष्णाद् वधं प्राप्य दिवं गतः
आपद्विक्तौ युगपद् गजगन्धर्वसत्तमौ
अभवत् त्वथ देवेशस्ताभ्यां चैव प्रपूजितः
संस्मरिष्यन्ति मनुजाः प्रयताः स्थिरबुद्धयः
दुःस्वप्नो नश्यते तेषां सुस्वप्नश्च भविष्यति
नारसिंहं च नागेन्द्रं सृष्टिप्रलयकारकम्
सर्वपापैः प्रमुच्यन्ते पुण्यं लोकमवाप्नुयुः
स्पर्शयामास हस्तेन गजं गन्धर्वमेव च
जगाम शरणं विप्र नारायणपरायमः
पापबनधाच्च शापाच्च ग्राहं चाद्भुतकर्मकृत्
गतः स भगवान् विष्णुर्दुर्विज्ञेयगतिः प्रभुः
ववन्दिरे महात्मानं प्रभुं नारायणं हरिम्