विश्वेश्वराय देवाय शिवाय हरये नमः
नारायणाय विश्वाय देवानां परमात्मने
श्रीशार्ङ्गचक्रासिगदाधराय नमो ऽस्तु तस्मै पुरुषोत्तमाय
ब्रह्मेन्द्ररुद्रमुनिचारणसंस्तुताय देवोत्तमाय वरदाय नमो ऽच्युताय
पीताम्बराय मधुकैटभनाशनाय विश्वाय चारुमुकुटाय नमो ऽजराय
नानाविचित्रमुकुटाङ्गदभूषणाय सर्वेश्वराय वरदाय नमो वराय
देवेन्द्रविघ्नशमनोद्यतपौरुषाय योगेश्वराय विरजाय नमो वराय
नारायणायात्महितायनाय महावराहाय नमस्करोमि
युगान्तशेषं पुरुषं पुराणं तं देवदेवं शरणं प्रपद्ये
क्षेत्रज्ञमात्मप्रभवं वरेण्यं तं वासुदेवं शरणं प्रपद्य
वदन्ति यं वै पुरुषं सनातनं तं देवगुह्यं शरणं प्रपद्ये
तमीश्वरं तृप्तमनुत्तमैर्गुणैः परायणं विष्णुमुपैमि साश्वतम्
महाबलं वेदनिधिं सुरेशं व३जामि विष्णुं शरणं जनार्दनम्
पीताम्बरं काञ्चनभक्तिचित्रं मालाधरं केशवमभ्युपैमि
आदित्यरुद्राश्विवसुप्रभावं प्रभुं प्रपद्ये ऽच्युतमात्मवन्तम्
प्रपद्ये सूक्ष्ममचलं वरेण्यमभयप्रदम्
प्रपद्ये मुक्तसंगानां यतीनां परमां गतिम्
शरण्यं शरणं भक्त्या प्रपद्ये भक्तवत्सलम्
योगात्मानं महात्मानं प्रपद्ये ऽहं जनार्दनम्
नारायणमणीयांसं प्रपद्ये ब्राह्मणप्रियम्
प्रपद्ये देवदेवेशमणीयांसमणोः सदा
नमः सहस्रशिरसे अनन्ताय महात्मने
कीर्तयन्ति च यं सर्वे ब्रह्मादीनां परायणम्
सुब्रह्मण्य नमस्ते ऽस्तु त्राहि मां शरणागतम्
प्रीतिमानभवद् विष्णुः शङ्खचक्रगदाधरः
गरुडस्थो जगत्स्वामी लोकाधारस्तपोधनः
उज्जहाराप्रमेयात्मा तरसा मधुसूदनः
मोक्षयामास नागेन्द्रं पाशेभ्यः शरणागतम्
ग्राहत्वमगमत् कृष्णाद् वधं प्राप्य दिवं गतः
आपद्विक्तौ युगपद् गजगन्धर्वसत्तमौ