पुनर्वसुरथाङ्गुल्यो नखाः सार्पं तथोच्यते
मुखसंस्थस्तथा पुष्यः स्वातिर्दन्ताः प्रकीर्तिताः
मृगशीर्षं नयनयो रूपधारिणि तिष्ठति
शिरोरुहस्था चैवार्द्रा नक्षत्राङ्गमिदं हरेः
संपूजितो हरिः कामान् विदधाति यथेप्सितान्
नक्षत्रसन्निधौ दद्याद् विप्रेन्द्राय च भोजनम्
दोहदे च हविष्यान्नं पूर्ववद् द्विजभोजनम्
सलिलं शिशिरं तत्र दोहदे च प्रकीर्तितम्
दोदहे च पयो गव्यं देयं च द्विजभोजनम्
देयञ्च दोहदं विष्णोः सुगन्धकुसुमोदकम्
गुडं सलेहकं दद्याद् दोहदे देवकीर्तितम्
अनुराधासु जठरं षष्ठिकान्नं च दोहदे
भुजयुग्मं विशाखासु दोहदे परमोदनम्
पुनर्वसावङ्गुलीश्च पटोलस्तत्र दोहदे
ज्येष्ठायां पूजयेद् ग्रीवां दोहदे तिलमोदकम्
पुष्ये मुखं पूजयेत दोहदे घृतपायसम्
दातव्या केशवप्रीत्यै ब्रह्मणस्य च भोजनम्
प्रियङ्गुरक्तशाल्यन्नं दोहदं मधुविद्विषः
मृगोत्तमाङ्गे नयने मृगमांसं च दोहदे
भरणीषु शिरः पूज्यं चारु भक्तं च दोहदे
विप्रांश्च भोजयेद् भक्तया दोहदे च गुडार्द्रकम्
पारिते दक्षिणान्दद्यात् स्त्रीपुंसोश्चारुवाससी
घृतपात्रं च मतिमन् ब्राह्मणाय निवेदयेत्
नक्षत्रमय एवैष पुरुषः शाश्वतो मतः
पूर्वं कृतं हि भृगुणा सर्वपातकनाशनम्
सुरूपाम्यभिजायन्ते प्रत्यङ्गङ्गानि चैव हि
पितृमातृसमुत्थं च तत्सर्वं हन्ति केशवः
अनन्तां मनसः प्रीतिं रूपं चातीव शोभनम्
ददाति नक्षत्रपुमान् पूजितस्तु जनार्दनः
अरुन्धती महाभागा ख्यातिमग्र्यां जगाम ह