स एष भवतः श्रेयो विधास्यति जनार्धनः
विमुक्तपापश्च ततो गमिष्ये यत्राच्युतो लोकपतिर्नृसिंहः
आमन्त्र्य सर्वान् दनुयूथपालान् जगाम कर्तुं त्वथ तीर्थयात्राम्
प्रह्लादतीर्थयात्रां मे सम्यगाख्यातुमर्हसि
प्रह्लादतीर्थयात्रां ते शुद्धपुण्यप्रदायिनीम्
ख्यातं पृतिव्यां शुभदं हि मानसं यत्र स्थितो मत्स्यवपुः सुरेशः
संपूज्य च जगन्नाथमच्युतं श्रुतिभिर्युतम्
जगाम कच्छपं द्रष्टुं कौशिक्यां पापनाशनम्
समुपोष्य शुचिर्भूत्वा दत्वा विप्रेषु दक्षिणाम्
तत्र देवह्रदे स्नात्वा तर्पयित्वा पितॄन् सुरान्
तत्र देवं जगन्नाथं गोविन्दं चक्रपाणिनम्
ददर्श देवदेवेशं लोकनाथं त्रिविक्रमम्
करिष्यति जगत्स्वामी बलेर्बन्धनमीश्वरः
कस्य वा बन्धनं विष्णुः कृतवांस्तच्च मे वद
यस्मिन् काले संबभूव यं च वञ्चितवानसौ
दनुगर्भसमुद्भूतो माबलपराक्रमः
अवध्यत्वं सुरैः सेन्द्रैः प्रार्थयत् स तु नारद
परितुष्टः स च बली निर्जगाम त्रिविष्टपम्
धुन्धुः शक्रत्वमकरोद्धिरण्यकशिपौ सति
चचार मन्दरगिरौ दैत्यं धुन्धुं समाश्रितः
ब्रह्मलोके च त्रिदशाः संस्थिता दुःखसंयुताः
ब्रजाम दैत्य वयमग्रजस्य सदो विजेतुं त्रिदशान् सशक्रान्
गतिर्यया याम पितामहाजिरं सुदुर्गमो ऽयं परतो हि मार्गः
येषां हि दृष्ट्यार्ऽपणचोदितेन दह्यन्ति दैत्याः सहसेक्षितेन
गोमातरो ऽस्मासु विनाशकारि यासां रजो ऽपीह महासुरेन्द्र
तिष्ठन्ति यत्रासुर साध्यवर्या येषां हि नश्वासमरुत् त्वसह्यः
सत्याभिधानो भगवन्निवासो वरप्रदो ऽभुद् भवतो हि यो ऽसौ
संकोचमसुरा यान्ति ये च तेषां सधर्मिणः
वैराजभुवनं धुन्धो दुरारोहं सदा नृभिः
गन्तुकामः स सदनं ब्रह्मणो जेतुमीश्वरान्