भवन्ति सुरुषाणां वै तान् विबोध वदामि ते
भवन्ति दावनपते महापद्माश्रिता नराः
सर्वसामान्यसुखिनो नराः पद्माश्रिताः स्मृताः
न्यायान्यायव्ययोपेता महानीलाश्रिता नराः
स्तेयानृतकथायुक्ता नराः शङ्खश्रिता बले
इत्येवं कथितस्तुभ्यं तेषां दानव निर्णयः
ममास्ति दावनपते प्रतिज्ञा साधुसंमता
न चास्ति भवतस्तुल्यो त्रैलोक्ये ऽपि बलाधिकः
यत्त्वया युधि विक्रम्य देवराजो विनिर्जितः
दृष्ट्वा ते परमं सत्त्वं सर्वेभ्यो ऽपि बलाधिकम्
नाश्चर्य दानवश्रेष्ठ हिरण्यकशिपोः कुले
विशेषितस्त्वया राजन् दैतेयः प्रपितामहः
इत्येवमुक्त्वा वचनं दानवैन्द्रं तदा बलिम्
तस्यां चाथ प्रविष्टायां विधवा इव योषितः
प्रभा मतिः श्रमा भूतिर्विद्या नीतिर्दया तथा
ताः सर्वा बलिमाश्रित्य व्यश्राम्यन्त यथासुखम्
यज्वा तपस्वी मृदुरेव सत्यवाक् दाता विभर्ता स्वजनाभिगोप्ता
सदोज्ज्वलो धर्मरतो ऽथ दान्तः कामोपभोक्ता मनुजो ऽपि जातः
जगाम ब्रह्मसदनं सह देवैः शचीपतिः
ऋषिभिः सार्धमासीनं पितरं स्वं च कश्यपम्
ब्रह्माणं कश्यपं चैव तांश्च सर्वास्तपोधनान्
पितामह हृतं राज्यं बलिना बलिना मम
शक्रः पप्रच्छ भो ब्रूहि किं मया दुष्कृतं कृतम्
दित्युदरात् त्वया गर्भः कृत्तो वै बहुधा बलात्
कृन्तनं प्राप्तवान् गर्भो यदशौचा हि सा भवत्
गतस्ततो विनिहतो दासो ऽपि कुलिशेन भो
विनाशं पाप्मनो ब्रूहि प्रायश्चित्तं विभो मम
हितं सर्वस्य जगतः शक्रस्यापि विशेषतः
तं प्रपद्यस्व शरणं स ते श्रेयो विधास्यति
तमूचुर्देवता मर्त्ये स्वल्पकाले महोदयः