न केवलं हि भवतो हृतं तेन बलीयसा
भास्करो ऽपि हि दीनत्वं प्रयातो हि बलाद् बलेः
ऋते सहस्रं शिरसं हरिं दशशताङ्घ्रिकम्
समाहरिष्यति बलेः कर्तुः सद्धर्मगोचरम्
दीनान् दृष्ट्वा स शक्रादीन् विभीतकवनं गतः
धर्मो ऽभवच्चतुष्पादश्चातुर्वर्ण्ये ऽपि नारद
दया दानं त्वानृशंस्यं शुश्रुषा यज्ञकर्म च
बलिना बलवान् ब्रह्मन् तिष्यो ऽपि हि कृतः कृतः
प्रजापालनधर्मस्थाः सदैव मनुजर्षभाः
त्रैलोक्यलक्ष्मीर्वरदा त्वायाता दानवेश्वरम्
पप्रच्छ कासि मां ब्रूहि केनास्यर्थेन चागता
बले शृणुष्व यास्मि त्वामायाता महिषि बलात्
तेन त्यक्तस्तु मघवा ततो ऽहं त्वामिहागता
श्वेताम्बरधरा चैव श्वेतस्रगनुलेपना
रक्ताम्बरधरा चान्या रक्तस्रगनुलेपना
पीताम्बरा पीरवर्णा पीतमाल्यानुलेपना
नीलाम्बरा नीमाल्या नीलगन्धामनुलेपना
या सा श्वेताम्भरा श्वेता सत्त्वाढ्या कुञ्जरस्थिता
या रक्ता रक्तवसना वाजिस्था रजसान्विता
पीताम्बरा या सुभगा रथस्था कनकप्रभा
नीलवस्त्रालिसदृशी या चुर्थी वृषस्थिता
विप्राद्याः श्वेतरूपां तां कथयन्ति सरस्वतीम्
क्षत्रिया रक्तवर्णां तां जयश्रीमिति शंसिरे
वैश्यास्तां पीतवसनां कनकाङ्गीं सदैव हि
शूद्रास्तां नीलवर्णाङ्गीं स्तुवन्ति च सुभक्तितः
एवं विभक्तास्ता नार्यस्तेन देवेन चक्रिणा
इतिहासपुराणानि वेदाः साङ्गास्तथोक्तयः
मुक्तासुवर्णरजतं रथाश्वगजभूषणम्
गोमहिष्यः खरोष्ट्रं च सुवर्णाम्बरभूमयः
सर्वासामपि जातीनां जातिरेका प्रतिष्ठिता