क्षत्रियाः सन्तु दैत्येन्द्र प्रजापालनधर्मिणः
पाशुपाल्यं प्रकुर्वन्तु वेश्या विपणिजीविनः
शूद्राः सन्त्वसुरश्रेष्ठ तवाज्ञाकारिणः सदा
धर्मवृद्धिस्तदा स्याद्वै धर्मवृद्धौ नृपोदयः
तद्वृद्धौ भवतो वृद्धिस्तद्वानौ हानिरुच्यते
ततो यदाज्ञापयसे करिष्ये इत्थं बलिः प्राह वचो महर्षे
त्रैलोक्यं पालयामास बलिर्धर्मान्वितः सदा
ब्रह्माणं शरणं भेजे स्वभावस्य निषेणात्
स्वदीप्त्या द्योतयन्तं च स्वदेशं ससुरासुरम्
मम स्वभावो बलिना नाशितो देवसत्तम
न केवलं हि भवतो हृतं तेन बलीयसा
भास्करो ऽपि हि दीनत्वं प्रयातो हि बलाद् बलेः
ऋते सहस्रं शिरसं हरिं दशशताङ्घ्रिकम्
समाहरिष्यति बलेः कर्तुः सद्धर्मगोचरम्
दीनान् दृष्ट्वा स शक्रादीन् विभीतकवनं गतः
धर्मो ऽभवच्चतुष्पादश्चातुर्वर्ण्ये ऽपि नारद
दया दानं त्वानृशंस्यं शुश्रुषा यज्ञकर्म च
बलिना बलवान् ब्रह्मन् तिष्यो ऽपि हि कृतः कृतः
प्रजापालनधर्मस्थाः सदैव मनुजर्षभाः
त्रैलोक्यलक्ष्मीर्वरदा त्वायाता दानवेश्वरम्
पप्रच्छ कासि मां ब्रूहि केनास्यर्थेन चागता
बले शृणुष्व यास्मि त्वामायाता महिषि बलात्
तेन त्यक्तस्तु मघवा ततो ऽहं त्वामिहागता
श्वेताम्बरधरा चैव श्वेतस्रगनुलेपना
रक्ताम्बरधरा चान्या रक्तस्रगनुलेपना
पीताम्बरा पीरवर्णा पीतमाल्यानुलेपना
नीलाम्बरा नीमाल्या नीलगन्धामनुलेपना
या सा श्वेताम्भरा श्वेता सत्त्वाढ्या कुञ्जरस्थिता
या रक्ता रक्तवसना वाजिस्था रजसान्विता
पीताम्बरा या सुभगा रथस्था कनकप्रभा