यक्षविद्याधराश्चैव मानवाश्च शुभङ्करि
चर्च्चिकेति सुभं नाम यस्मादा रुधिरचर्चिता
महीं समन्ताद् विचचार सुन्दरी स्थानं गता हैङ्गुलताद्रिमुत्तमम्
ग्रहाधिपत्यं जगातां शुभाशुभं भविष्यति त्वद्वरागं महात्मन
चकार संशुष्कतनुं त्वशोणितं त्वगस्थिशेषं भगवान् स भैरवः
ततः प्रजानां बहुरूपमीशं नाथं हि सर्वस्य चराचरस्य
सर्वैः सुराद्यैर्नतमीड्यमाद्यं ततो ऽन्धकः स्तोत्रमिदं चकार
विंशार्द्धबाहो भुजगेशहार त्रिनेत्र मां पाहि विपन्नबुद्धिम्
त्रैलोक्यमातुर्गुरवे वृषाङ्क भीतः शरण्यं शरणागतो ऽस्मि
भीमं च यक्षा मनुजा महेश्वरं भूताश्च भूताधिपमामनन्ति
दासो ऽस्मि तुभ्यं हर पाहि मह्यं पापक्षयं मे कुरु लोकनाथ
त्रय्यारुणिस्त्रितिव्ययात्मन् पुनीहि मां त्वां शरणं गतो ऽस्मि
त्रैलोक्यनाथो ऽसि पुनीहि शंभो दासो ऽस्मि भीतः शरणागतस्ते
कामारिणा निर्जितमानसेन प्रसादये त्वां शिरसा नतो ऽस्मि
त्राहि मां देव ईशान सर्वपापहरो भव
सृष्टः पापसमाचारो मे प्रसन्नो भवेश्वर
त्वं मङ्गल्यस्त्वमोङ्कारस्त्वमीशानो ध्रुवो ऽव्ययः
त्वमिन्द्रस्त्वं वषट्कारो धर्मस्त्वं च सुरोत्तमः
त्वया सर्वमिदं व्याप्तं जगत् स्थावरजङ्गमम्
विजयस्त्वं सहस्राक्षो विरूपाक्षो महाभुजः
गीर्वाणपतिरव्यग्रो रुद्रः पशुपतिः शिवः
जयश्च शूलपाणिस्त्वं त्राहि मां शरणागतम्
प्रीतियुक्तः विङ्गलाक्षो हैरण्याक्षिमुवाच ह
वरं वरय भद्रं ते यमिच्छसि विनाम्बिकाम्
वन्दामि चरणौ मातुर्वन्दनीया ममाम्बिका
शारीरं मानसं वाग्जं दुष्कृतं दुर्विचिन्तितम्
स्थिरास्तु त्वयि भक्तिस्तु वरमेतत् प्रयच्छ मे
मुक्तो ऽसि दैत्यभावाच्च भृङ्गी गणपतिर्भव
निर्मार्ज्य निजहस्तेन चक्रे निर्व्रणमन्धकम्
ते निश्चेरुर्महात्मानो नमस्यन्तस्त्रिलोचनम्