स चापि विप्रतनयो मातलिर्नामविश्रुतः
रश्मीन् शमीकतनयो मातलिः प्रगृहीतवान्
प्रविशन् ददृशे श्रीमान् पतितं कार्सुकं महत्
पाण्डुच्छायं सुरश्रेष्ठस्तं जग्राह समार्गणम्
नमस्कृत्य शरं चापे साधिज्ये विनियोजयत्
ब्रह्मेशथविष्णुनामाङ्काः सूदयन्तो ऽसुरान् रणे
सहस्राक्षो ऽतिपटुभिश्छादयामास नारद
महामात्रो धरां प्राप्तः सद्यः सीदञ्छरातुरः
हतप्रधानभूयिष्ठं बलं तदभवद् रिपोः
जम्भासुरश्चापि सुरेशमव्ययं प्रजगमतुर्गृह्य गदे सुघोरे
विष्णुः कुजम्भं निजघान वेगात् स स्यन्दनाद् गामगमद् गतासुः
क्रोधान्वितः शक्रमुपाद्रवद् रणे सिंहं यतैणो ऽतिविपन्नबुद्धिः
जग्राह शक्तिं यमदण्डकल्पां तामग्निदत्तां रिपवे ससर्ज
गदां च कृत्वा सहसैव भस्मसाद् बिभेद जम्भं हृदये च तूर्णम्
तं वीक्ष्य भूमौ पतितं विसंज्ञं दैत्यास्तु भीता विमुखा बभूवुः
वीर्यं प्रशंसन्ति शतक्रतोश्च स गोत्रभिच्छर्वमुपेत्य तस्थौ
एह्येहि वीराद्य गृहं महासुर योत्स्याम भूयो हरमेत्य शैलम्
रणान्नैवापयास्यामि कुलं व्यपदिशन् स्वयम्
देवदानवगन्धर्वान् जेष्ये सेन्द्रमहेश्वरम्
समाश्वास्याब्रवीच्छंभुं सारिथं सारिथिं मधुराक्षरम्
यावन्निहन्मि बाणैघैः प्रमथामरवाहिनीम्
कृष्मवर्णान् महावेगान् कशयाभ्याहनन्मुने
जघनेष्ववसीदन्तः कृच्छ्रे णोहुश्च तं रथम्
संवत्सरेण साग्रेण वायुवेगसमा अपि
सुरान् संछादयामास सेन्द्रोपेन्द्रमहेश्वरान्
सुरान् प्रोवाच भगवांश्चक्रपिणिर्जनार्दनः
तसमान्मद्वचनं शीघ्रं क्रियतां वै जयेप्सवः
भज्यतां स्यन्दनश्चापि विरथः क्रियतां रिपुः
नोपेक्ष्यः शत्रुरुद्दिष्टो देवाचार्येण देवताः
चक्रुर्वेगं सहेन्द्रेण समं चक्रधरेण च