सत्वरं भैरवं रावं रुराव सुरभी यथा
समायाताः सभां तूर्णं किमेतदिति वादिनः
ते चापि बलिनां श्रेष्ठाः सन्नद्धा युद्धकाङ्क्षिणः
अन्धको रथमास्थाय पञ्चनल्वप्रणमाणतः
जम्भः कुजम्भो हुण्डश्च तुहुण्डः शम्बरो बलिः
अयःशुङ्कुः शिबिः शाल्वो वृषपर्वा विरोचनः
शरभः शलभश्चैव विप्रचित्तिश्च वीर्यवान्
प्रजगमुरुत्सुका योद्धुं नानायुधधरा रणे
महाचलं मन्दरमभ्युपेयिवान् स कालपाशावसितो हि मन्दधीः
प्राहामन्त्रय शैलादे ये स्थितास्तव शासने
उपस्पृश्य जलं श्रीमान् सस्मार गणनायकान्
समुत्पत्य त्वरायुक्ताः प्रणतास्त्रिदसेश्वरम्
सर्वान् निवेदयामास शङ्कराय महात्मने
एते रुद्रा इति ख्याताः कोट्य एकादशैव तु
एतेषां द्वारपालास्ते मन्नमानो यशोधनाः
षट् च षष्टिस्तथा कोट्यः स्कन्दनाम्नः कुमारकान्
विशाखास्तावदेवोक्ता नैगमेयाश्च शङ्कर
एकैकं प्रति देवेश तावत्यो ह्यपि मातरः
एते शैवा इति प्रोक्तास्तव भक्ता गणेश्वराः
एते गणास्त्वसंख्याताः सहायार्थं समागताः
तव भक्ताः समायाता जटामण्डलिनोद्भुताः
इमे प्राप्ता गणा योद्धुं महाव्रतिन उत्तमाः
निराश्रया नाम गणाः समायाता जगद्गुरो
समायाताः खगारूढा वृषभध्वजिनो ऽव्ययाः
भैरवो विष्णुना सार्द्धमभेदेनार्चितो हि यै
गणास्त्वद्रोमसंभूता वीरभद्रपुरोगमाः
सहायार्थं तवायाता यथाप्रीत्यादिशस्व तान्
तान् करेणैव भगवान् समाश्वास्योपवेशयत्
संपरिष्वजताध्यक्षांस्ते प्रणेमुर्महेश्वरम्
ततस्तदद्भुततमं दृष्ट्वा सर्वे गणेश्वराः सुचिरं विस्मिताक्षाश्च वैलक्ष्यमगमत् परम्