किमत्र चित्रं यदनुज्ज्वलं जनं निषेव्य योषिद् भवति त्वशीला
फलैश्च बिल्वाः पयसा तथापगाः पत्रैः सपद्मैश्च महासरांसि
गृहं कुरुष्वात्र महाचजलोत्तमे सुनिर्वृता येन भवामि शंभो
न मे ऽस्ति वित्तं गृहसंचयार्थे मृगारिचर्मावरणं मम प्रिये
केयूरमेकं मम कम्बलस्त्वहिर्द्वितीयमन्यो भुजगो धनञ्जयः
नीलो ऽपि नीलाञ्जनतुल्यवर्णः श्रोणीतटे राजति सुप्रतिष्ठः
अवनितसमवेक्ष्य स्वामिनो वासकृच्छ्रात् परिवदति सरोषं लज्जयोच्छ्वस्य चोष्म्
वृक्षमूले स्थिताया मे सुदुःखेन वदाम्यतः
ततो ऽभवन्नाम तेदश्वरस्य जीमूतकेतुस्त्विति विश्रुतं दिवि
लोकान्न्दकरी रम्या शरत् समभवन्मुने
पद्माः सुगन्धं निलयानि वायसा रुरुर्विषाणं कलुषं जलाशयः
नन्दन्ति हृष्टान्यपि गोकुलानि सन्तश्च संतोषमनुव्रजन्ति
सतां च चित्तं हि दिशां मुखैः समं वैमल्यमायान्ति शशङ्ककान्तयः
सतीमादाय शैलेन्द्रं मन्दरं समुपाययौ
रराम शंभुर्भगवान् सत्या सह महाद्युतिः
दक्षः प्रजापतिश्रेष्ठो यष्टुमारभत क्रतुम्
सकश्यपान् समामन्त्र्य सदस्यान् समचीकरत्
सहानसूययात्रिं च सह धृत्या च कौशिकम्
चन्द्रया सहितं ब्रह्मन्नृषिमङ्गीरसं तथा
विद्वान् गुणसंपन्नान् वेदवेदाड्गपारगान्
निमन्त्र्य यज्ञवाटस्य द्वारपालत्वमादिशत्
भृगुं च मन्त्रसंस्कारे सम्यग् दक्षं प्रयुक्तवान्
धनानामाधिपत्ये च युक्तवान् हि प्रजापतिः
सशङ्करां सतीं मुक्त्वा मखे सर्वान् न्यमन्त्रयत्
ज्येष्ठः श्रेष्ठो वरिष्ठो ऽपि आद्यो ऽपि न निमन्त्रितः
कपालीलि विदित्वेशो दक्षेण न निमन्त्रितः
किमर्थं देवताश्रेष्ठः शूलपाणिस्त्रिलोचनः कपाली भगवाञ्जातः कर्मणा केन शङ्करः
प्रोक्तमादिपुराणे च ब्रह्मणाव्यक्तमूर्त्तिना
नष्टटन्द्रार्कनक्षत्रं प्रणष्टपवनानलम्
निमग्नुपर्वततरु तमोभूतं सुदुर्दसम्