हंसयुक्तविमानस्था साक्षसूत्रकमण्डलुः
महाहिवलया रौद्रा जाता कुण्डलिनी क्षणात्
समुद्भूता च देवर्षे मयूरवरवाहना
शार्ङ्गबाणधरा जाता वैष्णवी रूपशालिनी
वाराही पृष्ठतो जाता शेषनागोपरि श्थिता
जाता गजेन्द्रपष्ठस्था माहेन्द्री स्तनमण्डलात्
नखिनी हृदयाज्जाता नारसिंही सुदारुणा
तन्निनादं महच्छ्रुत्वा त्रैलोक्यप्रतिपूरकम्
अभ्येत्य वन्द्य चैवैनां प्राह वाक्यं तदाम्बिकं
तद्वाक्यसमकालं च देव्या देहोद्भवा शिवा
ब्रूहि शुम्भं निशुम्भं च यदि जीवितुमिच्छथ
वासवो लभतां स्वर्गं देवाः सन्तु गतव्यथा
नोचेद् बलावलेपेन भवन्तो योद्धुमिच्छथ
यतस्तु सा शिवं दौत्ये न्ययोजयत् नारद
हुङ्कृत्वाभ्यद्रवन् सर्वे यत्र कात्यायनी स्थिता
प्रासैः सुनीक्ष्णैः परिघैश्च विस्तृतैर्ववर्षतुदैत्यवरौ सुरेश्वरीम्
जघान चान्यात् रणचण्डविक्रमा महासुरान् बाणशतैर्महेश्वरी
महाजलक्षेपहतप्रभावान् ब्राह्मी तथान्यानसुरांश्चकार
शक्त्या कुमारी कुलिशेन चैन्द्री तुण्डेन चक्रेण वराहरूपिणी
रुद्रस्त्रिशूलेन तथैव चान्यान् विनायकश्चापि परश्वधेन
पेतुः पृथिव्यां भुवि चापि भूतैस्ते भक्ष्यमाणाः प्रलयं प्रजग्मुः
विमुक्तकेशास्तरलेक्षणा भयात् ते रक्तबीजं शरणं हि जग्मुः
विद्रावयन् भूतगणान् समन्ताद् विवेश कोपात् स्फुरिताधरश्च
यो रक्तबिन्दुर्न्यपतत् पृथिव्यां स तत्प्रमाणस्त्वसुरो ऽपि जज्ञे
पिबस्व चण्डे रुधिरं त्वरातेर्वितत्य वक्त्रं वडवानलाभम्
ओष्ठं नभस्पृक् पृथिवीं स्पूशन्तं कृत्वाधरं तिष्ठति चर्ममुण्डा
बिभेद शूलेन तथाप्युरस्तः क्षतोद्भवान्ये न्यपतंश्च वक्त्रे
तं हीनवीर्यं शतधा चकार चक्रेण चामीकरभूषितेन
हा तात ह भ्रातरिति ब्रुवन्तः क्त यासि तिष्ठस्व मुहूर्त्तमेहि
निपातिता धरणितले मृडान्या प्रदुद्रुवुर्गिरिवरमुह्य दैत्याः