चकार कुपिता दुर्गा विशिरस्कौ महासुरौ
कृत्वा जगाम कौशिक्याः सकाशं मार्यया सह
ग्रथितो दैत्यशीर्षाभ्यां नागराजेन वेष्टितः
बबन्ध प्राह चैवैनां कृतं कर्म सुदारुणम्
तस्माल्लोके तव ख्यातिश्चामुण्डेति भविष्यति
दिग्वाससं चाभ्यवदत् प्रतीता निषूदय खारिबलान्यमूनि
निषूदयन्ती रिपुसैन्यमुग्रं चचार चान्यानसुरांश्चखाद
निपात्यमाना दनुपुङ्गवास्ते ककुद्मिनं शुम्भमुपाश्रयन्त
अक्षौहिणीनां त्रिंशद्भिः कोटिभिः परिवारितम्
मुमोच सिंहनादं वै ताभ्यां सह महेश्वरी
हंसयुक्तविमानस्था साक्षसूत्रकमण्डलुः
महाहिवलया रौद्रा जाता कुण्डलिनी क्षणात्
समुद्भूता च देवर्षे मयूरवरवाहना
शार्ङ्गबाणधरा जाता वैष्णवी रूपशालिनी
वाराही पृष्ठतो जाता शेषनागोपरि श्थिता
जाता गजेन्द्रपष्ठस्था माहेन्द्री स्तनमण्डलात्
नखिनी हृदयाज्जाता नारसिंही सुदारुणा
तन्निनादं महच्छ्रुत्वा त्रैलोक्यप्रतिपूरकम्
अभ्येत्य वन्द्य चैवैनां प्राह वाक्यं तदाम्बिकं
तद्वाक्यसमकालं च देव्या देहोद्भवा शिवा
ब्रूहि शुम्भं निशुम्भं च यदि जीवितुमिच्छथ
वासवो लभतां स्वर्गं देवाः सन्तु गतव्यथा
नोचेद् बलावलेपेन भवन्तो योद्धुमिच्छथ
यतस्तु सा शिवं दौत्ये न्ययोजयत् नारद
हुङ्कृत्वाभ्यद्रवन् सर्वे यत्र कात्यायनी स्थिता
प्रासैः सुनीक्ष्णैः परिघैश्च विस्तृतैर्ववर्षतुदैत्यवरौ सुरेश्वरीम्
जघान चान्यात् रणचण्डविक्रमा महासुरान् बाणशतैर्महेश्वरी
महाजलक्षेपहतप्रभावान् ब्राह्मी तथान्यानसुरांश्चकार
शक्त्या कुमारी कुलिशेन चैन्द्री तुण्डेन चक्रेण वराहरूपिणी
रुद्रस्त्रिशूलेन तथैव चान्यान् विनायकश्चापि परश्वधेन