यदि वर्षाधिपो ऽहं स्यां ततो यास्यामि देवताः
तस्यां पुरन्दरः प्रीतः पिण्डं पितृषु भक्तितः
ततः प्रीतास्तु पितरस्तां प्राहुस्तनयां निजाम
प्रीतिमानभवच्चासौ रराम च यथेच्छया
अजीजनत् सा तनयाश्च तिस्रो रूपातियुक्ताः सुरयोषितोपमाः
सुनाभ इति च ख्यातश्चतुर्थस्तनयो ऽभवत्
रागिणि नाम संजाता ज्येष्ठा मेनासुता मुने
श्वेतमाल्याम्बरधरा कुटिला नाम चापरा
रूपेणानुपमा काली जघन्या मेनकासुता
कर्तुं तपः प्रयातास्ता देवास्ता ददृशुः शुभाः
कुटिला ब३ह्मलोकं तु नीता शशिकरप्रभा
पुत्रं महिषहन्तारं ब्रह्मन् व्याख्यातुमर्हसि
शार्वं धारयितुं तेजो वराकी मुच्यातां त्वियम्
तथा यतिष्ये भगवन् यता शार्वं सुदुर्द्धरम्
तपसाहं सुतप्तेन समाराध्य जनार्दनम्
तथा देव करिष्यामि सत्यं सत्यं मयोदितम्
भगवानादिकृद् ब्रह्मा सर्वेशो ऽपि महामुन्
तस्मान्मच्छापनिर्दग्धा सर्वा आपो भविष्यसि
आपोमयी ब्रह्मलोकं प्लावयामास वेगिनी
ऋक्सामाथर्वयजुभिर्वाङ्मयैर्बन्धनैर्दृढम्
आपोमयी प्लावयन्ती ब्रह्मणो विमला जटाः
ब्रह्मणे तां निवेद्यैवं तामप्याह प्रजापतिः यथा मन्नामसंयुक्तो महिषघ्नो भविष्यति
या मद्वाक्यमलङ्घ्यं वै सुरैर्लङ्घयसे बलात्
या मद्वाक्यमलङ्घ्यं वै सुरैर्लङ्घयसे बलात्
प्रतीच्छत् कृत्तिकायोगं शैलेया विग्रहं दृढम्
तपसो वारयमास उमेत्येवाब्रवीच्च सा
उमेत्येव हि कन्यायाः सा जगाम तपोवनम्
रुद्रं चेतसि संधाय तपस्तेपे सुदुष्करम्
इहानयध्वं तां कालीं तपस्यन्तीं हिमालये
तेजसा विजितास्तस्या न शेकुरुपसर्पितुम्