दध्योदनं सकृसरं माषधानाः सशष्कुलीः
गङ्गाधरेति जप्तव्यं नाम शंभोश्च पण्डितैः
अक्षयान् लभते कामान् महेश्वरवचो यथा
स्वयं रुद्रण देवर्षे तत्तथा न तदन्यथा
नाभ्या निर्याति हि तदा देवेष्वेतान्यथो ऽभवन्
तेन तस्य परा प्रीतिः कदम्बेन विवर्द्धते
वटवृक्षः समभवत् तस्मिस्तस्य यतिः सदा
संजातः स च शर्वस्य पतिकृत् तस्य नित्यशः
ख दरः कण्टकी श्रेयानभवद्विश्वकर्मणः
गणाधिपस्य कुम्भस्थो राजते सिन्धुवारकः
कृष्णोदुम्बरको रुद्राज्जातः क्षोमकरो वृषः
कात्यायनयाः शमीजाताबिल्वो लक्ष्मायाः करे ऽभवत्
वासुकेर्विस्तृते पुच्छे पृष्ठे दूर्वा सितासिता
एवं जातेषु सर्वेषु तेन तत् रतिर्भवेत्
तस्यां संपूजयेद् विष्णुं तेन खण्डो ऽस्य पूर्यते
ओषधीभिश्च मुख्याभिर्यावत्स्याच्छरदागमः
मणिमुक्ताप्रवालानि वस्त्राणि विविधानि च
तिक्तानि च निवेद्यानि तान्यखण्डानि यानि हि
यदा संवत्सरं पूर्णमखण्डं भवते गृहे
स्नानेन तेन स्नायीत येनाखण्डं हि वत्सरम्
होमे तदेव गदितं दाने शक्तिर्निजा द्विज
धूपयेद् विविधं धूपं येन स्याद् वत्सरं परम्
रागखाण्डवचोष्याणि हविष्याणि निवेदयेत्
विज्ञापयेन्मुनिश्रेष्ठ मन्त्रेणानेन सुव्रत
धर्मार्थकाममोक्षणि त्वखण्डानि भवन्तु मे
तेन सत्येन धर्माद्य अखण्डाः सन्तु केशव
अघण्डं पारयेद् ब्रह्मन् व्रतं वै सर्ववस्तुषु
धर्मार्थकाममोक्षाद्यास्त्वक्षयाः संभवन्ति हि
प्रक्ष्याम्यधुना त्वेतद्वैष्णवं पञ्जरं शुभम्
प्राच्यां रक्षस्व मां विष्णो त्वामाहं शरणं गतः