एवं किल पुराणेषु सर्वागमभिदादिषु
अश्वमेधेन यज्ञेन ब्रह्महत्या विनश्यति
मया पुनर्नृशंसेन बहवः प्राणिनो हताः
स्त्रियो वृद्धाश्च बालाश्च माता चैव विशेषतः
चिंतयित्वा मुहूर्तं तु गतो रैवतकं गिरिम्
तथापि न गता हत्या ह्यनेकप्राणिसंभवा
सह्ये हिमालये रम्ये पुण्ये बदरिकाश्रमे
यमुनां चंद्रभागां च गंगां त्रिपथगामिनीम्
विशालां कपिलां दुर्गां गंभीरां गोमतीं शिवाम्
गयां चैव कुरुक्षेत्रं नैमिषं पुष्करं तथा
कृतयात्रोऽपि दुःखार्त्तश्चिंतयामास भार्गवः
न गता ब्रह्महत्या मे कृतो धर्मो निरर्थकः यदि स्यात्सत्यमेतच्च नष्टं जातं कथं मम ।। 5.2.29.
एतस्मिन्नेव काले तु नारदो मुनिपुंगवः
विषण्णवदनो दीनश्चिंतयानः पुनःपुनः
भोभो नारद देवर्षे शृणु मे परमं वचः
पितुः पराभवाद्भूमौ भृमिपाला मया हताः
निरंतरा हता लोका विशोकेनादयालुना
यज्ञः कृतोऽश्वमेधश्च दत्तं दानमनेकधा
पर्वतेषु तपस्तप्तं हुतं जप्तं निरंतरम्
परं नैव गता हत्या तस्मात्सर्वं निरर्थकम्
इति तस्य वचः श्रुत्वा नारदो भगवानृषिः भोभो राम किमात्मानं न स्मरस्यधुना हरिम्
त्वयैव कथितं पूर्वं ब्रह्महत्याविनाशनम् तस्मिन्क्षेत्रे महालिंगं ब्रह्महत्याविनाशनम् ।। 5.2.29.
जटेश्वरो महाभाग विद्यते सर्वसिद्धिदम् नारदस्य वचः श्रुत्वा स्मृत्वा क्षेत्रमनुत्तमम्
जगाम त्वरितं देवि महाकालवने ततः लिंगमध्यादहं देवि प्रसन्नो निर्गतस्तदा
जामदग्न्यो मया प्रोक्तः कांतकामं ददाम्यहम्
त्वत्पादपंकजे भूयाद्भक्तिर्मे विपुला सदा
इत्युक्तोऽहं तदा तेन यथा तुष्टेन पार्वति
अद्यप्रभृति ते नाम्ना देवः ख्यातो भविष्यति
भक्त्या ये पूजयिष्यंति देवं रामेश्वरं परम् ।। आजन्मप्रभवं पापं तेषां न३यति तत्क्षणात्
स एव पुण्यवान्पूज्य इह लोके परत्र च