स चायं पीडितो देव शशांकेन नवेन वै वृत्तांतं कथयामास ब्रह्माग्रे च पुनःपुन.
ब्रह्मापि पूर्वचंद्रार्थे विष्णुं लोकनमस्कृतम्
नमः कृष्ण नमो विष्णो नमो जिष्णो नमोनमः 5.2.26.
जयस्व गोविंद महानुभाव जयस्व विश्णो जय पद्मनाभ
एवं स्तुतस्तदा देवि ब्रह्मणा लोककारिणा
गच्छ सोम ममादेशान्महाकालवनोत्तमे तमाराधय यत्नेन स ते देहं प्रदास्यति
इत्युक्तो वासुदेवेन ब्रह्मणा च पुनः पुनः लिंगं दृष्ट्वा च तुष्टाव स्तोत्रेणानेन सुव्रते
चंद्र उवाच नमो देवाधिदेवाय त्रिनेत्राय महात्मने
भूतवेतालजुष्टाय महादेवाय शूलिने
पूष्णो दंतविनाशाय तथांधकविनाशिने
विकरालोर्द्ध्वकेशाय भैरवाय नमोनमः
तथा दारुवनध्वंसकारिणे तिग्मशूलिने
प्रचंडदंडहस्ताय वडवाग्निमुखाय च 5.2.26.
दक्षयज्ञविनाशाय जगद्भयकराय च कपर्दिने करालाय सर्वदेवाय ते नमः
एवं स्तुतस्तदा देवि चंद्रेणांतर्हितेन च
स्तोत्रेणानेन तुष्टोऽस्मि ब्रूहि सोम किमिच्छसि
कांत्या दीप्त्या तथा मूर्त्या तथा रूपेण च प्रभो
स्वपदं कर्त्तुमिच्छामि त्वत्प्रसादान्महेश्वर
द्विजराजेन तत्प्राप्तं लिंगस्यास्य प्रसादतः
तेन सोमेश्वरोनाम विख्यातो भुवनत्रये
कृत पुण्या नरा मर्त्यास्ते यांति परमं पदम्
विमुक्तो जन्मदुःखाद्यैर्लीयते मयि मानवः
यैश्च सोमेश्वरो देवो न दृष्टो न च पूजितः 5.2.26.
एकः सोमेश्वरः पूज्यः कुष्ठरोगविनाशनः
आधारः सर्वलोकानां येन सोमेश्वरो ऽर्चितः मुक्तो भोगी निरातंको मम लोके वसेच्चिरम्
कांचनैः कुसुमैर्देवि लिंगं सोमेश्वरं प्रिये
एष ते कथितो देवि प्रभावः पापनाशनः
यस्य दर्शनमात्रेण स्वप्नेपि नरकः कुतः
पुरा कलियुगे देवि कल्पे वाराहसंज्ञके
निर्मर्यादा निराधारा निरौका नास्तिका जनाः