कल्कलेश्वरदेवस्य समीपे वाम भागतः
तस्याभ्यर्चनमात्रेण लप्स्यसे कीर्तिमुत्तमाम्
गत्वा स पूजयामास तल्लिंगं कीर्तितं त्विदम् 5.2.15.
अन्तरिक्षे विमानस्था प्रोचुर्वाचं नराधिपम्
अद्यप्रभृति राजेंद्र लिंगं त्वन्नाम नामतः
इन्द्रद्युम्नेश्वरं देवं पूजयिष्यंति ये नराः
स्वर्गं यास्यंति ते हृष्टाः स्तूयमानाः सुरर्षिभिः
दर्शनं ये करिष्यंति लोभाद्वापि प्रसंगतः
न स्वर्गात्पतनं तेषां यावदिंद्राश्चतुर्द्दश ते कुलं तारयिष्यंति मातृकं पैतृकं सदा
इत्युक्ता त्रिदशाः सर्वे लिंगं संपूज्य यत्नतः
एष ते कथितो देवि प्रभावः पापनाशनः
यस्य दर्शनमात्रेण ऐश्वर्यं जायते नृणाम्
तुहुंडेन पुरा देवि सर्वे ह्युपद्रुताः सुराः
नंदनाख्यं वनं सर्वं तदधीनमभूत्किल
उच्चैःश्रवससंज्ञं तु हृतवान्दानवेश्वरः
स्वर्गमार्गः खिलीभूतस्तद्भयेन ह्यभूत्सति
तस्मिन्काले च कालज्ञो नारदोऽथ महामुनिः
देवैर्नमस्कृतः सोऽथ पूजितश्च यथाविधि
पप्रच्छुरथ ते मंत्रं नारदं मुनिसत्तमम्
ईदृक्काले समायाते किं कर्त्तव्यं महामुने
मुहूर्तं ध्यानमालंब्य किंचिन्मील्य च लोचने 5.2.16.
महाकालवने रम्ये शीघ्रं गच्छंतु विह्वलाः सेवध्वं परमं लिंगमीशानेश्वरसंज्ञकम्
पुरा चेशानकल्पे तु ईशानेन सुखेन हि उत्तमांगपदं लब्धं शंकरस्य च मूर्द्धनि
तस्याराधनमात्रेण मनोऽभीष्टं हि लभ्यते
नारदस्य वचः श्रुत्वा देवा मुदितमानसाः
ईशानेशान ईशान तत्पुरुष नमोऽस्तु ते
त्र्यक्ष भर्ग महादेव उमाकांत नमोनमः
नमः शंभो नमो रुद्र विरूपाक्ष नमोनमः
स्थावराणि च भूतानि जंगमानि चराणि च
शिरस्ते गगनं देवा नेत्रे शशिदिवाकरौ