यस्यास्तीरे मुनिश्रेष्ठ सर्वत्र सुमनोहरम्
यस्मात्स्थानात्समुद्भूता तमसा सुतरंगिणी
यस्य दर्शनतो नॄणां सर्वपापक्षयो भवेत्
प्रफुल्लनानाविधगुल्मशोभितं लताप्रतानावनतं मनोहरम्
तमालगुल्मैर्निचितं सुगंधिभिः सकर्णिकारैर्बकुलैश्च सर्वतः
क्वचित्प्रफुल्लांबुजरेणुभूषितैर्विहंगमैश्चारुफलप्रचारिभिः
क्वचिच्च चक्राह्वरवोपनादितं क्वचिच्च कादम्बकदम्बकैर्युतम्
मदाकुलाभिर्भ्रमरीभिरारान्निषेवितं चारुसुगंधिपुष्पवत्
प्रहृष्टनानाविधपक्षिसेवितं प्रमत्तहारीतकुलोपनादितम् 2.8.9.
निबिडनिचुलनीलं नीलकण्ठाभिरामं मदमुदितविहंगीवृन्दनादाभिरामम्
इत्यादिबहुशोभाढ्यं सर्वदिक्षु मनोहरम् यत्प्रभावादभूत्तीर्थं पावनं तत्सदा महत्
तत्पूर्वं गौतमस्यर्षेराश्रमं पावनं महत् प्रथमं ते मुनिश्रेष्ठ पितुः किल तपोनिधेः
नानाविधानि तीर्थानि चाश्रमाश्चैव सर्वशः
तमसानाम सा ज्ञेया वर्तते तटिनी शुभा
तत्र स्नानेन दानेन श्राद्धेन च विशेषतः
मार्गशीर्षे शुक्लपक्षे पञ्चदश्यां विशेषतः
तस्मादत्र प्रकर्तव्यं स्नानं निर्मलमानसैः
अतः परं प्रवक्ष्यामि तमसापरमं शुभम्
भाद्रे शुक्लचतुर्थ्यां तु तस्य यात्रा शुभावहा तस्य स्मरणमात्रेण सर्वविघ्नविनाशनम् ।। 2.8.9.
तस्माद्दक्षिणदिग्भागे भैरवो नाम नामतः
रक्षितो वासुदेवेन क्षेत्ररक्षार्थमादरात् मनोभीष्टफलप्राप्तिर्भैरवस्य सदाऽऽदरात्
मार्गशीर्षस्य कृष्णायामष्टम्यां तस्य निर्मिता
पशूपहारसंभूति कर्तव्यं पूजनं जनैः
निर्विघ्नं तीर्थवसतिर्भैरवस्य प्रसादतः
एतस्मिन्नुत्तरे भागे रम्यं भरतकुण्डकम्
तत्र स्नानं तथा दानं सर्वमक्षयतां व्रजेत्
यत्नतो देवताः पूज्या वस्त्रादिभिरलंकृतैः
रामचन्द्रं हृदि ध्यायन्निर्मलात्मा जितेन्द्रियः
तत्र चक्रे महत्कुण्डं भरतो नाम भूपतिः 2.8.9.
तत्कुंडे सुमहत्पुण्यं नानापुण्यसमन्वितम्