ततः प्रभाते विमले पुनरुत्थाय सद्व्रती
श्राद्धं च विधिवत्कृत्वा दत्त्वा चैव स्वशक्तितः
दंपती च प्रयत्नेन पूज्यौ वस्त्रादिभिस्तथा 2.8.8.
विप्रान्संपूज्य विधिवद्भुंजीत प्रयतो नरः
अन्येद्युरपि चोत्थाय श्रद्धया परया युतः
तत्रतत्र नरः स्नात्वा दत्त्वा चैव स्वशक्तितः
यात्रां समापयेत्सम्यङ्नियतात्मा शुचिव्रतः
विभीषणपुरोगास्ते बभूवुर्निर्मलास्तदा
इति बहुलविधानैस्तीर्थयात्रां विधाय प्रचुरसुकृतपूर्णास्ते च सुग्रीवमुख्याः
गयाकूपमिति ख्यातं सर्वाभीष्टफलप्रदम्
यत्र स्नात्वा च दत्त्वा च यथाशक्त्या जितेंद्रियः
नरकस्थाश्च ये केचित्पितरश्च पितामहाः
तस्मिञ्छ्राद्धे कृते विप्र पितॄणामनृणो भवेत्
कर्त्तव्यमृषिनिर्दिष्टं पिण्याकेन गुडेन वा
तत्र श्राद्धं प्रकर्त्तव्यं नरैः श्रद्धासमन्वितैः
तुष्टेषु पितृषु श्रीमाञ्जायतेपुत्रवाँस्तथा
श्रियं च विपुलान्भोगाञ्छ्राद्धकृद्भयो न संशयः
श्राद्धं श्रद्धायुतैः सम्यगभीष्टफलकांक्षिभिः
सोमवारेण संयुक्ता अमावास्या यदा भवेत् 2.8.9.
अन्यदा सोमवारेण तत्र श्राद्धं विधानतः
तत्र पूर्वदिशाभागे तीर्थं सर्वोत्तमोत्तमम्
तत्र स्नात्वा च दत्त्वा च पिशाचो नैव जायते कर्त्तव्यं च प्रयत्नेन नरैः श्रद्धासमन्वितैः
मार्गशीर्षे शुक्लपक्षे चतुर्दश्यां विशेषतः
तत्संनिधौ पूर्वभागे मानसंनाम नामतः तत्र स्नानेन दानेन सर्वान्कामानवाप्नुयात्
नानाविधानि पापानि मेरुतुल्यानि वै पुनः
यत्किञ्चिद्विद्यते पापं मानसं कायिकं तथा
प्रौष्ठपद्यां सदा कार्य्या पौर्णमास्यां विशेषतः
तस्माद्दक्षिणदिग्भागे वर्त्तते सुकृतैकभूः
यत्र स्नानं तथा दानं सर्वपापहरं सदा 2.8.9.
नानाविधानि स्थानानि मुनीनां भावितात्मनाम्