दर्दुरेश्वरस्ततः प्रोक्तो द्वारे चोत्तरसंज्ञिके
महाकालवने रम्ये समाख्याता हि पावनाः
महाकालवने व्यास लिंगसंख्या न विद्यते
यस्य देवस्य यत्तीर्थं तन्नाम्ना परिकीर्तितम् 5.1.70.
तथा नवग्रहाः पुण्याः समाख्याताः पुराऽनघ
नरादित्य इति ख्यातः सोमेश्वरस्ततः परः
बृहस्पतीश्वरः प्रोक्तस्तथा शुक्रेश्वरः शिवः
ग्रहा राज्यं प्रयच्छंति ग्रहा राज्यं हरंति च
ग्रहतीर्थे नरः स्नात्वा ग्रहाणामर्चनं चरेत्
एवं व्यास समाख्याता मया देवाश्च तीर्थकाः
ग्रहपीडासु चोग्रासु दारिद्र्ये घोरसंकटे
क्षेत्रस्यांतर्गृहीं नित्यं ये कुर्वंति नरोत्तमाः
अपुत्रो लभते पुत्रं निर्धनो धनमाप्नुयात् 5.1.70.
अक्षया संततिस्तस्य शिवलोके महीयते
अवंतीतीर्थमाहात्म्यं पवित्रं वेदसंमितम्
भूयस्तु श्रोतुमिच्छामि त्वत्तो ब्रह्मविदां वर तीर्थानि कतिसंख्यानि विद्यंते ह्यत्र सुव्रत
उमामहेश्वरसंवादं नारदस्य च धीमतः
तीर्थानि यानि वर्तंते तानि नो वद विस्तरात्
इति पृष्टस्तदा विप्र नारदेन पुराऽनघ
तीर्थानि यानि तिष्ठंति तानि वक्ष्यामि सुव्रत
पुष्कराद्यानि तीर्थानि यानि कानि महीतले
असंख्यातसहस्राणि कोटिकोटीनि सत्तम
नीहारकणिकावृष्टिं गिरौ वर्षंति किन्नराः 5.1.71.
न हि संख्यां विजानामि तीर्थानां भुवि सत्तम
तथाऽपि च प्राधान्येन कथयिष्यामि सत्तम
तावंति प्रापणीयानि प्रसिद्धानि परंतप
विधिवत्कुरुते यस्तु साक्षाच्छंभुर्भवेच्च सः
तत्फलं जायतेऽवंत्यां वैशाखे पंचभिर्दिनैः
माधवेऽपि विशेषेण ह्यवंतीस्नानमाचरेत्
संवत्सरव्रती स्नातस्तीर्थेतींर्थे यथाविधि