तत्सर्वं श्रोतुमिच्छामि विस्तरेण तपोधन
उमामहेश्वरसंवादं देवयात्रादिकर्मसु
यानि तीर्थानि विद्यंते यानि लिंगानि संति वै
क्षेत्रमाद्यं महादेवि ममातीव प्रियं सदा
नीलगंगासंगमं च तथा गंधवती नदी 5.1.70.
ईश्वराश्चतुराशीतिस्तथाऽष्टौ संति भैरवाः
षड्वै विनायकाश्चाऽत्र देव्यश्च चतुर्विंशतिः
विष्णुब्रह्मादयः सर्वे ह्यत्रैव निहिताः शुभे
दश विष्णुः समाख्यातास्तेषां नामानि मे शृणु
नारायणो हृषीकेशो वाराहो धरणीधरः
दशैते वैष्णवाः प्रोक्ताः सर्वपापहराः पराः
महाकालवने रम्ये ये वसंति सुरेश्वराः
विनायका भैरवा देव्यो ये संति पवनात्मजाः
विघ्नहा च प्रमोदी च चतुर्थीव्रतकप्रियः
षडेते वै समाख्याता विघ्ननाशकराः पराः 5.1.70.
वटयक्षिणी वीरभद्रा इत्येताश्चाष्ट मातरः महामाया सती ख्याता कपालमातृका तथा
ब्रह्माणी पार्वती चैव योगिनी योगशालिनी
चर्पटामातृकाः ख्याता वटमातर एव च
योगिनीमातृका ख्याताश्चतुषष्टिस्ततः स्मृताः
वैष्णवी च समाख्याता वाराही विंध्यवासिनी
हनूमान्ब्रह्मचारी च कुमारश्च महाबली
दंडपाणिश्च विक्रांतो महाभैरवसिताऽसिताः
कालभैरवश्च विख्यातः क्षेत्रपालस्तथाष्टमः कपर्दी च कपाली च कला नाथो वृषासनः
त्र्यंबकः शूलपाणिश्च चीरवासा दिगम्बरः 5.1.70.
रुद्राश्चैकादश प्रोक्ताः शत्रुपक्षविनाशनाः
सुवर्णरेताऽहःकर्ता मित्रो विष्णुः सनातनः
अगस्त्येश्वरमुख्यानां लिंगानां चतुराशिनाम्
अगस्त्वेश्वर आख्यातो गुहेश्वरस्ततः परम्
अनादिकल्पेश्वरः शंभुः स्वर्णजालेश्वरः परः
कर्कोटकेश्वरः शंभुः सिद्धेश्वरस्ततः परम्