यावंतो मेघमालानां बिंदवो हि स्रवंति च
नभसो ज्योतिषां संख्यां वक्तुं कोऽपि न शक्नुते
अंतरिक्षे च मेदिन्यां तीर्थभूता पुरी त्वियम्
नद्यः सरांसि खाताश्च तीर्थभूतं हि सर्वशः
यानि कानि च मुख्यानि तानि तुभ्यं वदाम्यहम्
प्रातरुत्थाय यो नित्यं शुचिः प्रयत मानसः 5.1.70.
कृत्वा वै सर्वगंधादितिलाक्षतसमन्वितः
ऊर्जमाधवयोश्चैव वैशाखाऽऽषाढयोस्तथा
यस्य देवस्य यत्तीर्थं यस्य देवस्य संनिधौ
विधिवच्चाचरेद्यस्तु स सर्वंफलमश्नुते
तत्सर्वं श्रोतुमिच्छामि विस्तरेण तपोधन
उमामहेश्वरसंवादं देवयात्रादिकर्मसु
यानि तीर्थानि विद्यंते यानि लिंगानि संति वै
क्षेत्रमाद्यं महादेवि ममातीव प्रियं सदा
नीलगंगासंगमं च तथा गंधवती नदी 5.1.70.
ईश्वराश्चतुराशीतिस्तथाऽष्टौ संति भैरवाः
षड्वै विनायकाश्चाऽत्र देव्यश्च चतुर्विंशतिः
विष्णुब्रह्मादयः सर्वे ह्यत्रैव निहिताः शुभे
दश विष्णुः समाख्यातास्तेषां नामानि मे शृणु
नारायणो हृषीकेशो वाराहो धरणीधरः
दशैते वैष्णवाः प्रोक्ताः सर्वपापहराः पराः
महाकालवने रम्ये ये वसंति सुरेश्वराः
विनायका भैरवा देव्यो ये संति पवनात्मजाः
विघ्नहा च प्रमोदी च चतुर्थीव्रतकप्रियः
षडेते वै समाख्याता विघ्ननाशकराः पराः 5.1.70.
वटयक्षिणी वीरभद्रा इत्येताश्चाष्ट मातरः महामाया सती ख्याता कपालमातृका तथा
ब्रह्माणी पार्वती चैव योगिनी योगशालिनी
चर्पटामातृकाः ख्याता वटमातर एव च
योगिनीमातृका ख्याताश्चतुषष्टिस्ततः स्मृताः
वैष्णवी च समाख्याता वाराही विंध्यवासिनी