भवभयपरिहारं योगिनीत्रासकारं सकलसुरगणेशं चारुचंद्रार्कनेत्रम् 5.1.64.
चतुर्भुजं शंखगदाधराऽऽयुधं पीतांबरं सांद्रपयोदसौभगम्
लोकाऽभिरामं भुवनाभिरामं प्रियाभिरामं यशसाभिरामम्
आद्यं ब्रह्मसनातनं शुचिपरं सिद्धिप्रदं कामदं सेव्यं भक्तिसमन्वितं हरिहरैः सृष्ट्यासहं साधुभिः
भैरवाष्टकमिदं पुण्यं प्रातःकाले पठेन्नरः ।। दुःस्वप्ननाशनं तस्य वांछितार्थफलं भवेत्
राजद्वारे विवादे च संग्रामे संकटेतथा
दारिद्र्यदुःखनाशाय पठितव्यं समाहितैः
संसारभयभीतैश्च पूजितो भैरवो वरः
इति श्रीस्कांदे महापुराण एकाशीतिसाहस्र्यां संहितायां पञ्चम आवंत्यखण्डे ऽवन्तीक्षेत्रमाहात्म्ये कालभैरवतीर्थयात्रावर्णनंनाम चतुःषष्टितमोऽध्यायः
तस्य तीर्थवरस्याऽपि महिमानं च सत्तम
भूयस्तु श्रोतुमिच्छामि त्वत्तो ब्रह्मविदां वर
कथां पुण्यतमां तुभ्यं भुवि पापहरां पराम्
यस्याः श्रवणमात्रेण शापमुक्तो भवेन्नरः
जनमेजयेन दग्धास्ते मोक्षिता ह्यास्तिकेन च
जनमेजयस्य यज्ञेस्मिन्देवराजस्य संनिधौ
अस्माकं भूतिमन्विच्छन्वासस्यार्थं परंतप
महाकालवने रम्ये या वै कुशस्थली स्मृता
तस्यां हि दक्षिणे भागे पूर्वतीर्थं सना तनम्
योगनिद्रां समासाद्य शेते ब्रह्म सनातनम्
लोमशश्च महातेजास्तत्रैव प्रतितिष्ठति
न वर्तते कालचक्रं महाकालप्रतापतः
हरिश्चंद्रो विमुक्तोऽभूद्गर्ह्यचण्डालयोनितः
एतस्मात्कारणात्सर्वैस्तत्र विश्रम्यतां सदा
एतत्ते वचनं श्रुत्वा महर्षेरास्तिकस्य च
एलापत्रः कंबलश्च कर्कोटकधनंजयौ
पद्मकश्चार्बुदश्चैव नागास्ते सर्व एव हि
तत्र रम्याणि तीर्थानि जातानि परमाणि च
महापुण्यप्रदान्याहुर्महापापहराणि च 5.1.65.
अप्सरोगणसंघैश्च सेव्यंते च सदा वरैः
शेषशायी ह्यलं विष्णुर्भगवान्कमलेक्षणः