अनादिनिधनो देवः सर्वज्ञः सर्वसंभवः
जगद्बीजं जगत्स्रष्टा जगदीशो जगत्पतिः
सर्वाऽऽकृतिधरः सर्वविश्वरूपी जनार्दनः
बहुरूपैकरूपश्च सर्वरूपधरो हरः 5.1.63.
महार्णवो महामेघो जलबुद्बुदसं भवः
अनंतो वासुकिः शेषो वराहो धरणीधरः
हयग्रीवो विशालाक्षो हयकर्णो हयाकृतिः
विनिद्रो निद्रितो नंदी सुनंदो नंदनप्रियः
प्रजापतिपरो दक्षः सृष्टिकर्ता प्रजाकरः
वामनो वाममार्गी च वामकर्मा बृहद्वपुः
यज्ञहर्ता यज्ञकर्ता यज्ञेशो यज्ञभुग्विभुः
तिग्मतेजाश्चाल्पतेजाः कर्मसाक्षी मनुर्यमः
अग्निर्वायुसखो वह्निर्वरुणो यादसां पतिः
कुबेरो वित्तवान्वेगो वसुपालो विलासकृत् 5.1.63.
सर्वौषधिकरः श्रीमान्निशाकरदिवाकरः
नीलकंठो वृषी रुद्रो भालचंद्रो ह्युमापतिः
कृमिकीटो मृगव्याधो मृगहा मृगलाञ्छनः
स्मशानवासी मांसाशी दुष्टनाशी वरांतकृत्
सेनानीः सेनदेः स्कंदो महाकालो गणाधिपः
ऋद्धिसिद्धिप्रदो दंती भालचन्द्रो गजाननः
प्रह्रादपोषकर्ता च सर्वदैत्यजनेश्वरः
हेमदो हेमभागीच हिमकर्ता हिमाचलः
लोकालोकांतरो लोकी विलोकी भुवनेश्वरः
विरूपो रूपवान्रागी नृत्यगीतविशारदः 5.1.63.
रविदंष्ट्री च लंकाहा हाहाकारो वरप्रदः 5.1.63.
ब्रह्मज्ञो ब्रह्मदो बह्मज्ञाता च ब्रह्मसंभवः 5.1.63.
सर्वसंगकरो रागी सर्वत्यागी बहिश्चरः 5.1.63.
परानंदः पुराणश्च सम्राड्राज विराजकः 5.1.63.
समुद्रमाथको माथी सर्वरत्नहरो हरिः 5.1.63.
विघ्नकर्ताऽपहर्ता च विघ्ननाशो विनायकः 5.1.63.