जन्मांतरसहस्राणि भ्रमंति स्वेन कर्मणा
येऽन्यजन्मन्यबांधवा येऽन्यजन्मनि बांधवाः तेषामुद्धरणार्थाय अत्र श्राद्धं विधीयते
पितृवंशे मृता ये च मातृवंशे तथैव च तेषामुद्धरणार्थाय अत्र श्राद्धं विधीयते
ये मे कुले लुप्तर्पिडाः पुत्रदारादिवर्जिताः
पंगुकुब्जा विरूपाश्च आमगर्भाश्च ये मृताः
आब्रह्मभुवनाद्ये च अन्यैर्दुर्मरणैर्मृताः
तृषार्ताः क्षुधिताश्चैव हापिताश्चैव ये मृताः तेषामुद्धरणार्थाय अत्र श्राद्धं विधीयते
एवं श्राद्धविधिं व्यास तस्मिंस्तीर्थे समाचरेत् गयायां च समासाद्य सुरा इंद्रपुरोगमाः
पुनर्योगबलं प्राप्य स्वाधिकारं ययुः पुरा
एवं व्यास गयातीर्थं कुमुद्वत्यां सुनिश्चित म्
तत्तीर्थेषु नरः स्नात्वा तत्तत्तीर्थफलं भवेत्
फल्गुश्च सरितां श्रेष्ठा तथैव फलदायिनी
गयाकोष्ठस्तथा प्रोक्तो गदाधरपदानि च
प्रेतमुक्तिकरी नित्यं शिला चोक्ता तथैव च
देवानां दानवानां च यक्षकिन्नररक्षसाम्
एतत्स्थानेषु सर्वेषु स्नानदानादिकाः क्रियाः
गयायां पितृरूपेण स्वयमेव जनार्दनः
एवं व्यास गयातीर्थं पुरावन्त्यां प्रतिष्ठितम् 5.1.59.
तदारभ्य द्विजश्रेष्ठ गया तत्र प्रतिष्ठिता
तत्पदे च महिमानं जनार्दनसमर्पितम्
पंचक्रोशं गयाक्षेत्रं क्रोशमेकं गयाशिरः सर्वदा सर्वकालेषु गयाश्राद्धं विधीयते
संवत्सरे परं व्यास दिनमेकं प्रतिष्ठितम् महालयेति तत्प्रोक्तं पितॄणां दत्तमक्षयम्
सर्वदा सर्वकालेषु गयाश्राद्धं विधीयते
संवत्सरे परं व्यास दिनमेकं प्रतिष्ठितम्
अक्षय्या जायते तृप्तिः पितॄणां कल्पसंख्यया
भूयस्तु संप्रवक्ष्यामि माहात्म्यं परमाद्भुतम्
सप्तर्षीणां च या भार्या ऋषिपत्न्यः पतिव्रताः
ऋषिभिश्च परित्यक्ता बभ्रमुश्च वनाद्वनम् 5.1.59.
तासां च प्रियमन्विच्छन्समायातो वनांतरे
उवाच श्लक्ष्णया वाचा देशकालोचितं वचः