श्राद्धे प्रतिष्ठिता लोकाः श्राद्धे योगः परंतप
ब्रह्मचर्यरतो दांतो न क्रोधी न च मत्सरी
एवं यः कुरुते श्राद्धं तीर्थे चैव विशेषतः
वृद्धिश्राद्धे तथा प्रोक्ता महालये शताधिका
प्रयागाद्दशगुणा तृप्तिः कुरुक्षेत्रे च सत्तम
ततो दशाधिका व्यास महाकालवने शुभे
येषां निरयमापन्नाः पितरो जन्मजन्मनि
सकृत्स्मरणमात्रेण पितॄणा दत्तमक्षयम्
गर्भपाते मृता ये च नामगोत्रच्युतास्तथा 5.1.58.
तेषामुद्धरणार्थाय तत्र श्राद्धं विधीयताम्
दष्ट्रिभिर्व्यंगतो वापि दौर्ब्राह्मण्ये मृताश्च ये
अग्निदग्धाश्च ये जीवा नाग्निदग्धास्तथा परे
विद्युद्धातेन ये केचिन्मुद्गराभिहताः परे
रौरवे चांधतामिस्रे कालसूत्रे च ये गताः
असिपत्रवने घोरे कुंभीपाके च ये गताः तेषामुद्धरणार्थाय अत्र श्राद्धं विधीयते
उदकेषु मृता ये च नारीसूतीमृतास्तथा
अश्वसूकूरकृमिदंष्ट्रिश्वशृंगिशकटाहताः
भग्नदंष्ट्राश्च शस्त्रास्त्रैर्व्याघ्राहिगजभूमिपैः तेषामुद्धरणार्थाय अत्र श्राद्धं विधीयते
अष्टशल्यैर्मृता ये च शौचाचारविवर्जिताः तेषामुद्धरणार्थाय अत्र श्राद्धं विधीयते ।। 5.1.58.
शाकिन्यादि ग्रहग्रस्तजलमध्ये च ये मृताः तेषामुद्धरणार्थाय अत्र श्राद्धं विधीयते
जन्मांतरसहस्राणि भ्रमंति स्वेन कर्मणा
येऽन्यजन्मन्यबांधवा येऽन्यजन्मनि बांधवाः तेषामुद्धरणार्थाय अत्र श्राद्धं विधीयते
पितृवंशे मृता ये च मातृवंशे तथैव च तेषामुद्धरणार्थाय अत्र श्राद्धं विधीयते
ये मे कुले लुप्तर्पिडाः पुत्रदारादिवर्जिताः
पंगुकुब्जा विरूपाश्च आमगर्भाश्च ये मृताः
आब्रह्मभुवनाद्ये च अन्यैर्दुर्मरणैर्मृताः
तृषार्ताः क्षुधिताश्चैव हापिताश्चैव ये मृताः तेषामुद्धरणार्थाय अत्र श्राद्धं विधीयते
एवं श्राद्धविधिं व्यास तस्मिंस्तीर्थे समाचरेत् गयायां च समासाद्य सुरा इंद्रपुरोगमाः
पुनर्योगबलं प्राप्य स्वाधिकारं ययुः पुरा
एवं व्यास गयातीर्थं कुमुद्वत्यां सुनिश्चित म्