दैत्यांतकारिणी दिव्या महाकाली कुलेश्वरी
यत्र गया महापुण्या फल्गुश्चैव महानदी
तथैवाद्यगया ख्याता त्रिषु लोकेषु विश्रुता 5.1.57.
सर्वपापहरा पुण्या यत्र प्राची सरस्वती
न्यग्रोधश्चाक्षयो नित्यः पुरा प्रोक्तो महर्षिणा
तत्रैव संति ताः सर्वा देवताः पितृकल्पजाः
सर्वतीर्थमया देवा गयातीर्थमनुत्तमम्
यत्र प्रविष्टमात्रेण पितरो निरयस्थिताः
इति श्रीस्कांदे महापुराण एकाशीतिसाहस्र्यां संहितायां पञ्चम आवंत्यखण्डेऽवन्तीक्षेत्रमाहात्म्ये गयातीर्थमाहात्म्ये गयातीर्थप्रशंसावर्णनं नाम सप्तपञ्चा शत्तमोऽध्यायः
भगवन्भवता सर्वं विदितं विश्वमूर्तिना
तत्सर्वं श्रोतुमिच्छामि श्राद्धस्य फलमुत्तमम्
कियंतः पितरो नित्यं तृप्ता यांति सुरालयम्
तथापि शृणु वै वत्स श्राद्धस्य विधिमुत्तमम्
श्राद्धे प्रकल्पिता लोकाः श्राद्धे धर्मः प्रतिष्ठितः
श्रद्धया दीयते किंचिद्दैवं ब्रह्माग्नितर्पणम्
मनुष्या ऋषयः सर्वे सुरसिद्धाश्च राक्षसाः
त्रीन्पितॄंश्च समुद्दिश्य श्राद्धं दद्युः समाहिताः
एवं परंपरामार्गं प्रवर्तंते सनातनम्
तत्सर्वं संप्रवक्ष्यामि यथा श्रुतं तथा शृणु 5.1.58.
अन्योन्यं पितरो ह्येते देवाः पितृगणैः सह
निबोध त्वं मतं सर्वं यदुक्तं तत्समाहितः
चत्वारो मूर्तिमंतो वै त्रयस्तेषां च मूर्तयः
तेषां लोकं विसर्गं च कीर्तयिष्यामि तच्छणु
धर्ममूर्तिधरास्तेषां तपो ये परमं गताः
लोकाः सनातना नाम यत्र तिष्ठंति भास्वराः
विराजस्य द्विजश्रेष्ठ वैराजा इति नः श्रुतम्
एते वै योगविभ्रष्टा लोकान्प्राप्य सनातनान्
ते प्राप्य तां स्मृतिं भूयः सांख्ययोगमनुत्तमम्
एते स्युः पितरस्तात योगिनां योगवर्धनाः 5.1.58.
तस्माच्छ्राद्धानि देयानि योगिनां द्विजसत्तम