धर्मश्चतुष्पदो नित्यं यस्मिन्राज्ञि प्रशासति
बहुसस्यफला पृथ्वी गावश्च बहुदुग्धदाः
वैश्या धनपरा नित्यं शूद्राः शुश्रूषणे रताः 5.1.57.
श्रुतिस्मृतिपरो धर्मो हृष्टपुष्टजनाकरः
दुःशीला दुर्भगा नारी विधवा नैव लक्ष्यते
रूपशीलगुणोपेता पतिव्रतपरायणा
हूयतां भुज्यतां शश्वद्दीयतां च गृहेगृहे
जनाः सर्वत्र दृश्यंते सर्वधर्म परायणाः
एवं राजा स धर्मात्मा युगादिदेवसंज्ञितः
अवंत्यां च पुरा व्यास यज्ञकोटिं समाचरत्
तेन सर्वं वशं नीतं चरा चरमिदंजगत्
नैव देवा न यज्ञाश्च वेदमार्गविवर्जिताः
उत्सन्नो धर्ममार्गोऽयं शाश्वतो वै दुरात्मना 5.1.57.
ब्रह्माणं शरणं जग्मुः पितृभिः सह साधुभिः
इति श्रुत्वा वचस्तेषां ब्रह्मा लोकपितामहः
तत्र गत्वा समाराध्य विष्णुं देवगणैः सह
प्रचक्रुः सर्व एवैते ह्यात्मनोभ्युदयाय च
श्रूयतां भोः सुरश्रेष्ठा भवतां श्रेय उत्तमम्
गुह्याद्गुह्यतरं पुण्यं पवित्रं पापनाशनम्
सर्वतीर्थमयं तीर्थं कोटितीर्थवरप्रदम्
दैत्यांतकारिणी दिव्या महाकाली कुलेश्वरी
यत्र गया महापुण्या फल्गुश्चैव महानदी
तथैवाद्यगया ख्याता त्रिषु लोकेषु विश्रुता 5.1.57.
सर्वपापहरा पुण्या यत्र प्राची सरस्वती
न्यग्रोधश्चाक्षयो नित्यः पुरा प्रोक्तो महर्षिणा
तत्रैव संति ताः सर्वा देवताः पितृकल्पजाः
सर्वतीर्थमया देवा गयातीर्थमनुत्तमम्
यत्र प्रविष्टमात्रेण पितरो निरयस्थिताः
इति श्रीस्कांदे महापुराण एकाशीतिसाहस्र्यां संहितायां पञ्चम आवंत्यखण्डेऽवन्तीक्षेत्रमाहात्म्ये गयातीर्थमाहात्म्ये गयातीर्थप्रशंसावर्णनं नाम सप्तपञ्चा शत्तमोऽध्यायः
भगवन्भवता सर्वं विदितं विश्वमूर्तिना