तत्र शिप्रा सरिच्छ्रेष्ठा वर्तते भुवि पावनी
तत्र गच्छ महाभागे सद्यश्चात्म विशुद्धये
तमभिज्ञाय संप्राप्ता महाकालवनं शुभम्
विंध्यस्य चोत्तरे भागे अंजन्याश्रममुत्तमम्
पतिव्रताभिः सर्वाभिः पतिभिर्ब्रह्मचारिभिः
सरसीफुल्लकल्हारैर्मत्तालिकुलनादितैः
मनोह्रादकरं पुण्यं पवित्रं पापनाशनम् 5.1.54.
शुक्लवासाऽभवत्सद्यो नष्टपापमला ऽशुभा
तत्रैव चाश्रमं चक्रे मनःसंहर्षकारणम्
नीलगंगेति वै व्यास तीर्थं किल्विषनाशनम्
तस्य सिद्धिः करगता भविष्यति न संशयः
दर्शे पितॄन्समुद्दिश्य श्राद्धं कुर्यान्महालयम्
समगोत्रेषु ये जाताः पूर्वजा निरयवासिनः
स्नात्वा तिलांजलिं दद्यात्पितॄ नुद्दिश्य तत्परः
भोजयेद्ब्राह्मणान्सप्त श्राद्धं कृत्वा तु पायसैः
तीर्थं पुण्यतरं व्यास शृणु चान्यद्वदामि ते
सर्वपापहरं पुण्यं सर्वकामवरप्रदम् 5.1.54.
दुग्धं सर्वं हविर्भाव्यं सर्वेषां जीवनप्रदम्
कुंडे स्नात्वा पयः पीत्वा दत्त्वा गां च पयस्विनीम्
जायते सर्वकालेषु मृतः स्वर्गपुरं व्रजेत्
सर्वपापविशुद्धात्मा पुष्करस्य फलं लभेत्
इति श्रीस्कांदे महापुराण एकाशीतिसाहस्र्यां संहितायां पञ्चम आवंत्यखण्डेऽवन्तीक्षेत्रमाहात्म्ये नीलगंगामाहात्म्यवर्णनंनाम चतुःपंचाशत्तमोऽध्यायः
महाकालवने रम्ये केन वा प्रेषितः पुरा
तदा सर्वसुरैरेवमगस्तिर्मुनिसत्तमः
आराधितो महाभागो धरणीत्राणकारणात्
एकाग्रमानसो भूत्वा भवानीं विंध्यवासिनीम्
कंसविद्रावणकरीमसुराणां क्षयंकरीम्
यशोदागर्भसंभूतां चाणूरबलमर्दिनीम्
जननीं देवसेनस्य कवीनां वाचमीश्वरीम्
सहस्राक्षीं तथेंद्रस्य ऋषेश्चारुंधतीं पराम्