शय्यादानविमानानि दानानि विविधानि च
भूयः शृणु परं व्यास सुन्दरकुण्डफलं स्मृतम्
पिशाचो मोक्षमापन्नः शिव रूपधरो गतः
मुच्यते सर्वपापेभ्यो यद्यपि ब्रह्महा भवेत्
कोऽसौ पिशाच इति ख्यातः किं तेन दुष्कृतं कृतम्
कथं तीर्थप्रसंगोऽस्य जातो वै द्विज सत्तम
यस्य श्रवणमात्रेण सर्वपापक्षयो भवेत् ।।5.1.53.
ब्राह्मणो देवलो नाम दाक्षिणात्यो द्विजाधमः
गुरुद्रोही कितवो धूर्तो गुरुहा गुरुतल्पगः
अभक्ष्यभक्षकश्चैव वेदशास्त्रविवर्जितः
विश्वासघातको मानी चोरसंगरतः खलः
बहवो निहता मार्गे पापाचारेण जंतवः
तत्रैको ब्राह्मणो दांतो वेदवेदांगपारगः
श्वशुरगृहे स्थिता भार्या तामादाय यशस्विनीम्
तस्य स्त्री च वरारोहा रूपलावण्यशालिनी
हते भर्तरि दुःखार्ता पतिविरहकातरा
आरुरोह चितां दीप्तां पतिना हृष्टमानसा 5.1.53.
गृहीत्वा चलितो मार्गे गृहीतो राजकिंकरैः नीतोऽसौ राजभवनं निवेदितो राजसंनिधौ
पातितो वै गले बद्ध्वा रज्जुना वृक्षकोटरे
तेन कर्मविपाकेन रौरवं नरकं गतः
ततोऽन्यं नरकं प्राप्तो यमशासनकारकैः
मुद्गरैस्ताड्यमानो हि शृंखलाभिश्च किंकरैः
एवं बहुविधान्कुण्डान्भुक्त्वा पापी नवान्नवान्
महाकायो महारावो महोदरः सूचीमुखः
ततः कष्टतरां प्राप्य पैशाचीं तनुमाश्रितः
विण्मूत्रदूषितोच्छिष्टपूतिपर्युष्टभोजनः
भग्नवापीतडागे च शुष्कवृक्षे निरूदके 5.1.53.
निवासो रोचते तस्य सर्वदा सर्वसंधिषु
यत्र माहेश्वरं लिंगं सुन्दरं कुंडमुत्तमम्
घातयित्वा च तं पापं जलार्थी कुंडमाविशत्