निवारिताश्च सहसा ताभ्यां वै द्वारपालनात्
भगवानुवाच अतः प्रभृति स्थानेस्मिन्स्थितिर्नास्ति च शाश्वती
सद्यः प्राप्तौ तदा व्यास आसुरीं योनिमेव तौ
जन्मांतरसहस्रेण तपोदानसमाधिभिः
दुष्टभावेन सद्यो वै जन्मभिर्जायते त्रिभिः
जन्मजन्मांतरे जातौ तामसीं योनिमुद्धतौ
तथैव कुंभकर्णाख्यो रावणो लोकरावणः 5.1.52.
योऽसौ महाबली दैत्यो हिरण्याक्ष इति स्मृतः
जित्वा च सकलान्देवान्स्वयमेवाधितिष्ठति
स्वर्गान्निराकृताः सर्वे भ्रष्टराज्याः पराजिताः
स्वधाकारो वषट्कारः स्वाहाकारो न दृश्यते
नैव तीर्थं प्रकाशेत पुण्यान्यायतनानि च
उच्छिन्ना हि तदा जातास्तस्मिन्राज्ञि दुरात्मनि
पाखंडिनोऽपरा क्रांताः सर्वे धर्मबहिर्मुखाः
बहुम्लेच्छा बहुक्लेशा बह्वाबाधावनी कृता
तमीभूतं जगत्सर्वं दृश्यते वसुधातले 5.1.52.
यदा यदा हि धर्मस्य ग्लानिर्भवति भारत
इति ज्ञात्वा महाविष्णुर्वाराहं वपुरात्मवान्
यूपदंष्ट्रो हविर्गंधो बीजौषधितनूरुहः
अंतरास्यरुचादार्ढो यज्ञकायः सुदक्षिणः
हौत्रश्वासपरो दक्षसदस्यावयवः स्मृतः
वेदिपल्वलसंस्तारो ब्रह्माध्वर्युर्वनाकरः
आद्यः पुरुष ईशानः पुरुहूतः पुरुष्टुतः
संग्रामान्सुबहून्कृत्वा बहुकष्टेन विष्णुना
उद्धृता च वराहेण दंष्ट्रया चंद्ररेखया
ववुः पुण्यास्तथा वाताः सुप्रभोऽभूद्दिवाकरः 5.1.52.
सरितो मार्गवाहिन्यः सागराः प्रकृतिं गतः
वाराहमूर्तिर्भगवान्सर्वकामफलप्रदः
तस्यापि हृदयाज्जाता नदी ह्येषा सनातनी
बहुयोजनविस्तारा बहुला कामचारिणी