नानादेशोद्भवा लोका यात्रिणः समुपागताः
कुर्वते तत्र धर्माणि महादानानि सर्वशः 5.1.51.
नदीं सुधामयीं सर्वां नागाः परमहर्षिताः
वेदोक्तविधिना सर्वे भक्त्या पन्नगसत्तमाः
अम्लानपंकजां मालां नानापुष्पाक्षतै स्तथा
दीपदानादिनैवेद्यैस्तांबूलमथ दक्षिणाः स्तुतिमारेभिरे कर्तुं सुधाकामास्तदोरगाः
चंद्रमौले नमस्तेऽस्तु कपर्दिन्परमात्मने
त्र्यम्बकाय नमस्तेऽस्तु जटामुकुटधारिणे
कृत्तिवास नमस्तेऽस्तु गिरीशाय नमोनमः
मृगव्याध नमस्तेऽस्तु घस्मराय नमोनमः
सर्वसाक्षिन्नमस्तेऽस्तु सर्वभूताशयाकृते
दिव्यहास नमस्तेऽस्तु नमोऽमृतस्रवाय च ।। 5.1.51.
काम्यकाम नमस्तेस्तु सर्वकामवरप्रद
नमो मृडाय दांताय शांतरूपाय वै नमः
एवं प्रसादितो नागैर्भगवान्वृषभध्वजः
नागलोके पुरा नित्यं भिक्षार्थं चागतोस्म्यहम्
गृहेगृहे भोगवत्यां व्यचरत्क्षुधितो भृशम्
अप्राप्तभिक्षो भिक्षार्थी पुनरागां ततो गृहम्
किंचित्पुण्यप्रसंगेन महाकालवनोत्तमे
आबालवृद्धैः सस्त्रीभि दृष्टा शिप्रा सरिद्वरा
शिप्रायां स्नानजं पुण्यं वक्तुं शक्तो न कीदृशम्
यस्मात्स्नानं कृतं सर्वैः शिप्रायां पन्नगोत्तमैः 5.1.51.
नीत्वा शिप्रोदकं पुण्यं कुण्डेषु परिषिञ्चत
संपूर्णानि भविष्यंति स्थिराणि पन्नगोत्तमाः
गतास्ते वै स्वकं लोकं नमस्कृत्वा महेश्वरम्
सर्वलोकेषु विख्याता व्यास शिप्राऽमृतोद्भवा
न तेषां दुष्कृतं किंचिन्नापदो न च दुर्गतिः
न च मित्राणि दुष्यंति न रोगो न दरिद्रता पठनाच्छ्रवणाद्वापि गोसहस्रफलं लभेत्
यस्य श्रवणमात्रेण हयमेधफलं भवेत्
शिप्रा च सर्वतः पुण्या पवित्रा पापहारिणी