भास्वान्सहस्रकिरणस्तदान्तर्द्धानमाययौ
राजा भास्करदेहोत्थां रविमूर्त्तिमनुत्तमाम्
घोषार्ककुण्डं तन्नाम्ना तत्र ख्यातिं जगाम ह
इति रुचिरविधानैस्तूर्णमादित्यमूर्त्तिं विमलपरमभक्त्या पूजयित्वाऽऽदरेण
रतिकुण्डमिति ख्यातं सर्वपापहरं सदा
यत्र स्नानेन दानेन परां कांतिमवाप्नुयात्
कुंडं प्रसिद्धमतुलं सर्वकामार्थसिद्धये लभते ना विधानेन मुने नास्त्यत्र संशयः
रतिकुंडे तथा विप्र कुसुमायुधकुण्डके
कुण्डद्वयेऽत्र मिथुनं यत्स्नानं कुरुते किल
तस्मादत्र विधानेन स्नातव्यं धर्मकांक्षिभिः
भवेतां नियतं तस्य संतुष्टौ रतिमन्मथौ
रतिकुंडे पुरः स्नात्वा पश्चात्कंदर्प्पकुंडके
रतिकंदर्प्पयोः पूजा विधातव्या विशेषतः
सर्वान्कामानवाप्नोति नात्र कार्या विचारणा ।। 2.8.8.
चंदनागुरुकर्पूरकस्तूरीकुंकुमादिभिः
एवं कृते न संदेहो रतिकंदर्पतुष्टये
कुसुमायुधकुंडात्तु प्रतीच्यां दिशि संस्थितम्
तत्र तीर्थे नरः स्नात्वा दृष्ट्वा मन्त्रेश्वरं विभुम्
पुरा रामो देवकार्यं विधायामलकर्मकृत्
स्वर्गं प्रति प्रयाणाय यत्र स्नातौ जितेंद्रियः
तदुत्तरे सरो रम्यं कुमुदोत्पलमंडितम्
मंत्रेश्वरस्य महिमा नहि केनापि शक्यते मंत्रेश्वरसमं लिंगं न भूतं न भविष्यति
सुगंधिपुष्पधूपादिकुसुमाद्यनुलेपनैः 2.8.8.
एवं कृते न संदेहो मुक्तिस्तस्य करे स्थिता
तां संपूज्य नरो विद्वान्सर्वपापैः प्रमुच्यते कर्त्तव्यं सुप्रयत्नेन नृभिः सर्वार्थसिद्धये
विस्फोटकादिकभये नरैश्च समुपस्थिते
तदुत्तरे तु तत्रैव देवी वन्दीति विश्रुता
राज्ञा क्रुद्धेन ये बद्धाः शृंखलानिगडादिभिः
यात्रा तस्याः प्रयत्नेन कर्तव्या यत्नतो नरैः
गंधैः पुष्पैस्तथा धूपैर्दीपैरपि च सुव्रत